Қазақстан құрамасы Әлем кубогіндегі жеңілістен кейін Қызайбайға қатысты шешім қабылдады

Бокстан Қазақстан әйелдер құрамасының көшбасшылары Назым Қызайбай, Алуа Балқыбекова, Аида Әбікеева және Наталья Богданова Қытайда өтетін Әлем кубогы кезеңіне қатысатын ұлттық құрама сапына енді, деп хабарлайды Tengri Sport.

Қазақстан бокс федерациясының мәліметінше, команданың бас бапкері Елдос Сайдалин Гуйяндағы Әлем кубогы кезеңіне тоғыз спортшыны апаруды ұйғарған.

Тоғыз боксшының төртеуі – әлем чемпиондары: Назым Қызайбай, Аида Әбікеева, Наталья Богданова, Алуа Балқыбекова, сондай-ақ Азияның қазіргі чемпионы – Дина Исламбекова;

Бокстан Қазақстан құрамасының құрамы

1. Алуа Балқыбекова;
2. Назым Қызайбай;
3. Элина Базарова;
4. Виктория Графеева;
5. Аида Әбікеева;
6. Лаура Есенгелді;
7. Наталья Богданова;
8. Валерия Аксенова;
9. Дина Исламбекова.

Айта кетейік, Қытайдағы бокстан Әлем кубогінің кезеңі 15-21 маусым аралығында өтеді.

Назым Қызайбай - әлемнің үш дүркін чемпионы

Еске сала кетейік, Назым Қызайбай - әуесқой бокстағы Қазақстанның ең атақты спортшысы. Оның қоржынында 2014, 2016 және 2025 жылдардағы әлем чемпионаттарының жеңісі, сондай-ақ Париж Олимпиадасының қола жүлдесі бар.

Сонымен қатар 32 жастағы боксшы 2025 жылдың қыркүйегінде Ливерпульде (Англия) өткен әлем чемпионатында және Бразилиядағы Әлем кубогі бірінші кезеңінің 1/8 финалында жеңіліс тапты.