Қазақстан құрамасы Ұлттар лигасында қатарынан екінші матчте жеңілді

Фото: Tengrinews.kz/Әлімжан Аманжол

2 қазан күні кешке Қазақстан құрамасы Ұлттар лигасының С дивизионындағы үшінші тур матчінде Молдова командасынан жеңіліп қалды, деп хабарлайды Tengri Sport.

Қазақстан командасы Фарер аралдары (1:1) және Словакияға (1:2) қарсы сырт алаңдағы кездесулерден кейін елордаға оралды. Бұл нидерландық маман Джон ван’т Схиптің құрама тізгініндегі алғашқы матчтері еді.

Молдоваға қарсы матчтегі Қазақстан құрамасының құрамы

Александр Заруцкий (Қ), Темірлан Ерланов, Нұралы Әліп, Ян Вороговский, Александр Мрынский, Дінмұхамед Қараман, Рамазан Оразов, Бауыржан Исламхан, Эльхан Астанов, Ғалымжан Кенжебек, Рамазан Кәрімов.

Фото: Tengrinews.kz/Әлімжан Аманжол

Кездесу барысы

Статистика бойынша алаң иелері уақыттың басым бөлігінде допқа иелік етті - Қазақстанда 67 пайыз, Молдовада 33 пайыз болды.

Дегенмен, үзіліс алдында, 45+1-минутта қонақтар есеп ашты. Ники Клещенко Александр Заруцкийдің айып алаңындағы бірнеше рикошеттен кейін допқа ие болып, оны жақын бұрышқа бағыттады.

Фото: Tengrinews.kz/Әлімжан Аманжол

Үзілістен кейін Джон ван’т Схип екі ойыншыны ауыстырды: алаңға Рамазан Оразов пен Эльхан Астановтың орнына Еркін Тапалов пен Азамат Тұяқбаев шықты.

50-минутта молдовалықтар екінші голды соқты, Петру Попеску бұрыштамадан асырылған допты басымен қақпаға дарытты.

Фото: Tengrinews.kz/Әлімжан Аманжол

9 минуттан кейін Рамазан Кәрімовтің орнына ойынға Артур Шушеначев қосылды.

64-минутта Александр Мрынский қапталдан айып соққысын алған кезде ұлттық құрама бір гол қайтарды. Бауыржан Исламхан айып алаңына доп асырды, оған Нұралы Әліп бірінші жетіп, допты торға тоғытты.

Фото: Tengrinews.kz/Әлімжан Аманжол