World Boxing баспасөз қызметі ұйымның барлық салмақ дәрежесі бойынша рейтингін жариялады. Ерлер арасындағы он салмақтың үшеуінде Қазақстан боксшылары көш бастап тұр.
Санжар Тәшкенбай өз салмақ дәрежесінде (50 келіге дейін) жарыс өткізілмегендіктен Азия ойындарына қатысқан жоқ. Соған қарамастан, ол қазіргі әлем чемпионы ретінде рейтингте бірінші орнын сақтап қалды.
Төрехан Сабырхан (70 келіге дейін) мен Айбек Оралбай (90 келіден жоғары) Азия ойындарында жеңіске жетті және қазіргі әлем чемпиондары, сондықтан олар рейтингтің басында қалды.
Айта кетейік, әлемдік бокс рейтингінде көшбасшылар саны бойынша Өзбекстан алда тұр - бұл елдің бес өкілі тізімде бірінші орынға ие болған.
Фото: worldboxing.org/
Әйелдер боксында Қазақстаннан рейтингте бір көшбасшы бар
Әйелдер боксы бойынша әлем чемпиондары Алуа Балқыбекова, Аида Әбікеева және Назым Қызайбай қазір әлемдік рейтингтің екінші сатысында тұр. Қазақстандықтар арасында Азия ойындарының қола жүлдегері және әлем чемпионы Наталья Богданова жалғыз көшбасшы болып отыр.
Ал Азия ойындарының қазақстандық чемпиондары Елбасынан марапаттар алды.