+7 (777) 001 44
99
ADCC әлем чемпионатындағы Қазақстанның жалғыз өкілі америкалық Дориан Оливарезбен белдескен болатын. Белдесу кезінде-ақ қарсыластар тыйым салынған брнеше әдісты қолданып үлгерді, бұл жағдай кейін тексеріске себеп болды.
"Мен рейтингте бірінші орында тұрған мықты чемпион, жас америкалықпен белдестім. Белдесу кезінде эмоция жиналып қалды, оның үстіне ол біраз лас әдіс қолданып, үнемі аузымды жабуға тырысты. Шынымды айтсам, сол сәтте оны аздап тістеп алдым - қатты емес, бірақ ол мені түрткілегеннен кейін болған жағдай. Мен жатқанда, ол мені ұрып жіберді", - деді Бекзат тілшімізге берген сұхбатында.
Оқиға мұнымен бітпегені белгілі болды - қазақстандық пен америкалық арасында тағы бір жекпе-жек өткізу туралы шешім қабылданған.
"Кейін біз орнымыздан тұрдық, мен де оның басынан ұрдым - жауап қайтарғым келді. Бізді ажыратты, оған дисквалификация берілді. Ол кетіп қалған еді, бірақ оны қайта шақырып, біз қайта белдестік. Бұл жолы ол менен басым түсіп, жеңіске жетті", - деді қазақстандық спортшы.
Бекзаттың айтуынша, балуандар боз кілемде өзара есеп айырысқанына қарамастан, америкалықтың командасы мұнымен тынбаған.
"Ол мені жеңген кезде, оның секундтанты болған әкесі маған қарата балағат сөздер айтып, әдепсіз ишара көрсетті. Сол кезде менің ағаларым, менің командам оларға агрессиямен жауап беріп, төбелес басталып кетті", - деп нақтылады балуан.
Оқиға түсірілген видео әлеуметтік желіде тез тарап, жүз мыңдаған қаралым жинады. Бұл шудың бір себебі - төбелес кезінде грэпплинг жұлдызы, тәжірибелі файтер, бес дүркін әлем чемпионы Гордон Райанның да соққыға жығылуы еді.
"Гордон Райан басқа жекпе-жекте секундтант болып жүріп, өзі бізге килікті. Ақыры осындай жағдай болды", - деді Бекзат.
Бүгін таңертең ADCC турнирінде жаппай төбелес болып, Гордон Райан жерде жатқанда басынан тебу мен соққылардың астында қалды 🤯
- MMA UNCENSORED (@MMAUNCENSORED1) 12 қыркүйек, 2026 жыл
(🎥 ADCC / philip.bjj IG) pic.twitter.com/3s59KwjMEL
"Қазақстандық жігіттерге рақмет": әлем чемпионы төбелес туралы
Гордон Райан да оқиғаға қатысты пікір білдірді. Айтуынша, ол Қапашов пен Оливарез арасындағы белдесу кезінде-ақ іс төбелеспен тынатынын түсінген.
"Мен араша түсіп, бірінші жігітті ұрдым, сонда олардың бірі мені көріп қалып: „Гордон, Гордон, Гордон!“ деп айқайлай бастады. Олардың бәрі маған қарай бұрылды, себебі менің осында екенімді түсінді. Олар бірден маған тап берді, екеуі аяғымнан ұстап итеріп жіберді, мен құлап түстім. Содан кейін бес-алты адам басымнан ұра бастады. Бірнешеуі тепкіледі, бірнешеуі жұдырықтады, бірақ мен бәрібір тіземмен тұруға тырыстым.
Үстімде төрттен алты адамға дейін болса да... мен бәрібір тұрып, бір аяқтан ұстау әдісіне көштім. Кейін ажыратты. Мен тұрып: „Керемет, төбелес бітті. Бәрі жақсы“, - деп ойладым. Сондықтан мен кері жүгіріп барып, орныма отырдым да, бапкерлік жұмысымды жалғастырдым. Сонымен, қазақстандық жігіттерге жекпе-жек үшін рақмет. Көңілді болды. Әрқашан, әр кеште мен ең үздік файтер екенімді ұмытпаңдар", - деп жазды Гордон әлеуметтік желіде.
Сонымен қатар ол егер қазақстандықтардың бірі онымен жекпе-жекке шыққысы келсе, дайын екенін атап өтті.
Instagram-дағы бұл жарияланымды көру
Лига АҚШ-тағы әлем чемпионы мен қазақстандық қатысқан төбелеске қалай жауап берді?
Қапашовтың айтуынша, төбелес аяқталғаннан кейін АҚШ пен Қазақстан өкілдері тарқап кетіп, қайта кездеспеген. Лига оқиғаға қатысқандардың екеуіне де жаза қолданды.
"Екі тарапқа да бір жылға дисквалификация берілді. Осымен бітті, басқа ешқандай санкция немесе шара қолданылған жоқ", - деді балуан.
Польшада өткен ADCC әлем чемпионатында америкалық Дориан Оливарез бен қазақстандық Бекзат Қапашов арасындағы 66 келі салмақтағы белдесуден кейін жаппай төбелес шықты.
- Haim gozali (@HAIM__GOZALI) 12 қыркүйек, 2026 жыл
Қазақстандық спортшылардың жарыс алаңынан тыс жерде жанжалға араласуы бірінші рет емес.
Қазақ файтері тістеп алды... pic.twitter.com/0Dw8evujje
Әлем чемпионатындағы қазақстандыққа қатысты жанжал: федерация реакциясы
Туризм және спорт министрлігі біздің сауалымызға берген жауабында "грэпплингті" дамытумен "Грэпплинг қауымдастығы" айналысатынын түсіндірді. Біз пікір алу үшін аталған ұйымға хабарластық.
ADCC турнирі олардың құзыретіне жатпайтыны белгілі болды.
"Қауымдастықтың ADCC (Abu Dhabi Combat Club) кәсіби ұйымына ұйымдастырушылық, әкімшілік немесе өзге де қатысы жоқ және оның құрылымдық бөлімшесі, ресми өкілі немесе ADCC аясында өтетін жарыстардың ұйымдастырушысы емес. ADCC аясында өткізілетін турнирлер "Қазақстан Республикасының Грэпплинг қауымдастығы" ЗТБ-ның ресми спорттық іс-шаралар күнтізбелік жоспарына кірмейді.
Қауымдастық Краковта өткен ADCC 2026 турниріне қатысу үшін Қазақстан Республикасының құрама командасын дайындауды, жасақтауды немесе ресми түрде жіберуді жүзеге асырған жоқ. Аталған турнирге қатысқан спортшыларды Қауымдастық Қазақстан Республикасы ұлттық құрамасының мүшелері ретінде жіберген жоқ, сондай-ақ олардың қатысуы Қауымдастық ұйымдастырған немесе өткізген ресми іс-шаралар аясында болған жоқ.
Жоғарыда айтылғандарға байланысты "Қазақстан Республикасының Грэпплинг қауымдастығы" ЗТБ аталған турнирдің өткізілуіне, жарысқа қатысушылардың, команда өкілдерінің, жаттықтырушылардың және осы іс-шарада болған өзге де тұлғалардың іс-әрекеттеріне ұйымдастырушылық жауапкершілік көтермейді, өйткені бұл тұлғалар турнирде Қауымдастық атынан ресми түрде қатысқан жоқ", - деп түсіндірді ұйым өкілдері.
Бұл ақпаратты спортшының өзі де растап отыр. Оның айтуынша, "грэпплинг" көбіне коммерциялық жоба және мемлекет тарапынан ешкім қаржыландырмайды.
"Жаттығу залындағы үлкен ағаларымыз көмектеседі, бірақ мен Әлем чемпионатына ресми жолдама алған кезде билет пен тұру шығындарын солар төлеп берді. Біз, шыны керек, сәл ертерек келдік, бұл шығынды өз қалтамыздан өтедік", - деді спортшы.
Айта кетейік, Бекзаттың сөзінше, ADCC әлем чемпионаты екі жылда бір рет өткізіледі және грэпплингпен айналысатындар үшін бұл өзіндік Олимпиада ойындары іспетті. Биыл Қапашов аталған турнирде Қазақстанның жалғыз өкілі болды.
Instagram-дағы бұл жарияланымды көру
