Қазақстандық Мессидің ұлымен бір командада ойнайды: БАҚ

Фото: instagram.com/leomessi/

Аргентиналық Лионель Мессидің үлкен ұлы Тьяго биыл күзде "Барселона" академиясына қосылады, деп хабарлайды Tengri Sport журналист Фран Касареттоға сілтеме жасап.

БАҚ мәліметінше, Тьяго Месси қарашада 14 жасқа толғаннан кейін каталониялық клубпен келісімшартқа отыруы мүмкін.

"Тьяго Месси "Барселонаның" жасөспірімдер командасына қосылу үшін "Интер Майами" академиясынан кетеді. Оның әкесі тарихи із қалдырған клубта жаңа тарау басталады", - деп хабарлады дереккөз.

Айта кетейік, Месси де, клубтар да ауысу туралы ақпаратты ресми түрде растаған жоқ, алайда Фран Касаретто бұған дейін Месси туралы бірнеше рет ақпарат бөлісіп, кейін ол деректер расталған болатын.

Тьяго Месси - әкесінің көшірмесі

Лионель Мессидің үлкен ұлы өзінің шеберлігімен және әкесіне ұқсастығымен БАҚ назарына бірнеше рет іліккен.

11 жасында баланың жеке фан-клубы пайда болды, ал әлеуметтік желідегі пікір қалдырушылар оны "Мессидің айнымайтын көшірмесі" деп атады.

"Thiago Messi":

Бұл демалыс күндері Интер Майами академиясында бұрыштама соққыларын орындауға жауапты болғандықтан. pic.twitter.com/Hm9e5c6wwF
— Tendencias en Argentina (@porqueTTarg) December 4, 2023

2024 жылы Тьяго Месси "Интер Майамидің" жасөспірімдер командасымен бірге АҚШ-тағы алғашқы трофейін жеңіп алды.

Кіші Месси "Барселонада" серіктес тауып қойды

Тьяго Мессидің "Барселонаға" ауысатыны белгілі болғанға дейін де журналистер оған каталониялық клубта ойнау туралы сұрақтар қойған болатын. Бұл ең алдымен әкесінің аталған клуб үшін маңыздылығына байланысты.

Әлі өсіп келе жатқан футболшы 2024 жылы алаңға қай ойыншымен бірге шыққысы келетінін айтқан еді.

"Күндердің күнінде Ламин Ямальмен бірге ойнағым келеді", - деді ол сұхбатында.

🥰 Лео мен @LuisSuarez9-дың ұлдары Тьяго Месси мен Бенжамин Суарес өз командасында бірге ойнау үшін ойыншы таңдады: 𝗟𝗮𝗺𝗶𝗻𝗲 𝗬𝗮𝗺𝗮𝗹 және 𝗣𝗲𝗱𝗿𝗶

📽️ @fundacion_JRM pic.twitter.com/WEEEuvkBme
— Mundo Deportivo (@mundodeportivo) June 14, 2024

"Барселонадағы" алғашқы қазақстандық Мессидің ұлынан бір-ақ жас үлкен

Айта кетейік, каталониялық клуб академиясында 14 жастағы қазақстандық Кәрім Мендіқанов өнер көрсетіп жүр. БАҚ мәліметінше, ол өзін U16 командасында сынап көріп жатыр.

Тьяго Мессидің нақты қай жас санатында ойнайтыны әзірге белгісіз, бірақ ол әкесінің жолымен жүрсе, ересек жастағылар арасында тез өнер көрсете бастайды.

2 қарашада Тьяго Месси 14 жасқа толса, 10 қарашада Кәрім 15 жасқа толады.

Лионель Месси - "Барселонаның" аңыз ойыншысы

Еске сала кетейік, аргентиналық футболшы кәсіби мансабын каталониялық клубта бастап, академиядан негізгі құрамға дейін жеткен болатын.

Жалпы алғанда, Месси Испанияда 20 жылға жуық уақыт өткізіп, командаға көп олжа сыйлады, оның ішінде 10 ел чемпионы атағы, 7 кубок және Чемпиондар лигасындағы 4 жеңіс бар.

Сонымен қатар Месси 778 матчте 672 гол соғып, клуб тарихындағы үздік сұрмерген атанды. Лионельдің клубпен қоштасуы өте әсерлі болды - 5 жыл бұрын ол көзіне жас алып, баспасөз мәслихатын өткізіп, "Пари Сен-Жерменге" ауысқан еді.