+7 (777) 001 44
99
Қазақстан футбол федерациясының (ҚФФ) президенті Марат Омаров Қазақстан құрамасының жаңа бас бапкерін іздеу барысы туралы айтып берді, деп хабарлайды Tengri Sport.
Үкіметтің бірлескен отырысының кулуарында Марат Омаров футболдан Қазақстан ұлттық құрамасының бас бапкері лауазымына үміткерлерді іріктеу туралы сөз қозғады.
ҚФФ президентінің айтуынша, бапкерлер штабы қазақстандық мамандарды да, шетелдіктерді де қарастырып жатыр.
"Қазіргі ең басты міндет - лайықты бас бапкер табу. Бапкерлер кеңесі қазір жергілікті мамандардың да, шетелдік мамандардың да кандидатураларын қарастырып жатыр. Бізге ең қолайлы маманды таңдайтын боламыз", - деп жауап берді Марат Омаров.
Сондай-ақ Марат Омаров құраманың бұрынғы бапкері Талғат Байсуфиновтың қызметінен кетуіне қатысты пікір білдірді. ҚФФ президенті оның өз еркімен отставкаға кеткенін растап, бапкердің жүйеде қалатыны үшін алғыс айтты.
"Бас бапкер өз қалауымен, өз бастамасымен отставкаға кетті. Біз мұны тиісінше құрметпен қабылдаймыз. Өкінішке қарай, осындай шешімге келдік, бірақ әрі қарай алға жылжып, дамуға тырысамыз. Оның жүйеде қалатынына ризамыз", - деп толықтырды Омаров.
Еске сала кетейік, бұған дейін 22 маусымда футболдан Қазақстан құрамасының бас бапкері Талғат Байсуфинов қызметінен кету туралы шешім қабылдаған болатын. Баспасөз қызметінің мәлімдеуінше, тәлімгер отставкаға кету туралы өтініш беріп, федерация оны қабылдаған.
Instagram-дағы бұл жарияланымды көру
Талғат Байсуфинов Қазақстан құрамасын 2025 жылдың қазан айында басқарды. Оның жетекшілігімен ұлттық команда 2026 жылғы Әлем чемпионатының іріктеу кезеңінде үш матч өткізіп, бірде-бір рет жеңілген жоқ.
Қазақстандықтар Лихтенштейнді 4:0 есебімен тас-талқан етіп, Солтүстік Македониямен (1:1) және Бельгиямен (1:1) тең ойнады.
Instagram-дағы бұл жарияланымды көру
