+7 (777) 001 44
99
Роналдудың "Манчестер Юнайтедтен" кетер алдындағы мансабындағы ең резонансты сұхбаттарының бірін алған журналист Португалия құрамасының бапкері Жорже Жезуш атақты футболшыны Уэльске қарсы Ұлттар лигасының алғашқы матчі алдында-ақ алдап кеткенін мәлімдеді.
"Олар оның алғашқы екі ойында ойнап, кейінгі екі ойында демалатыны туралы келіскен. Бірінші ойында оған 90 минут бойы алаңда болатыны айтылды. Бұл – бапкер мен ойыншының арасындағы әңгіме, мұнда біз айтып отырған ойыншының мәртебесін ескеру маңызды. Бірақ оны 67 минуттан кейін алмастырып тастады, сондықтан ол біршама ренжулі.
Бапкер одан кешірім сұрап, осы кешірімін президентке де қайталады және көпшілік алдында бұлай болмауы керек екенін түсіндіретінін айтты. Бірақ ол мүлдем керісінше әрекет етіп, Тен Хаг сияқты жасады: халық алдына шығып, Роналдуды қорлап, абыройын түсіруге, оны қайтадан шектеуге тырысты. Барлық ойыншы мен үшін маңызды деп және тағы сол сияқты сөздерді айтты, бұл да Роналдудың ашуына тиді", - деді Морган.
Сонымен қатар, журналистің айтуынша, бапкер Норвегияға қарсы екінші кездесуде Роналдуды 30 минутқа шығаруға уәде берген, бірақ тағы да уәдесінде тұрмаған.
"Ол 25 минут бойы қыздырынып жүрді, бірақ оны алаңға шығармады. Сондықтан ол өзіне деген құрметсіздікке және бапкердің сөзінде тұрмағанына ашуланды. Ол (Роналду) үшін бұл – құрмет мәселесі. Оған бір нәрсе уәде етілді, бірақ керісінше болды: ол дайындалды, бірақ оны пайдаланбады. Ол мұны үлкен құрметсіздік деп санады да, соңында: "Бәрің жайыңа кетіңдер", – деп ұшаққа мініп, ұшып кетті. Оның уәжі бойынша, бұл бапкер баспасөз мәслихаттарында үнемі шымылдық сыртында айтқандарына мүлдем қарама-қайшы сөздер сөйлеген", - деп атап өтті Морган.
Португалия құрамасындағы жанжал
Еске сала кетейік, 1 қазанда Криштиану Роналду бапкерлер құрамымен келіспеушіліктерді алға тартып, Португалия құрамасының сапынан кеткен болатын. Португалия командасының жаттықтырушысы Жорже Жезуш 41 жастағы шабуылшыны норвегиялықтармен өткен матчте алаңға шығарудан бас тартып, кейін келесі ойында да оны қосалқы құрамда қалдыратынын мәлімдеген.
Кейінірек Жезуш журналистердің сұрақтарына жауап бере отырып, Роналду үшін құрама есігі әрқашан ашық екенін, бірақ ойыншыдан кешірім сұраудың қажеті жоқ деп санайтынын айтты.
Айта кетейік, Криштианусыз команда Ұлттар лигасындағы барлық үш матчте жеңіске жетіп, топта көш бастап тұр.
Instagram-дағы бұл жарияланымды көру
Ал Криштиануға келетін болсақ, оның әлеуметтік желілеріне қарағанда, ол "Әл-Наср" клубына оралып, командамен бірге жаттығуға кіріскен.
Instagram-дағы бұл жарияланымды көру
“Мен кешірім сұраған жоқпын“: Криштиану Роналду мен құрама арасындағы жанжал жалғасын тапты
