Нұрсұлтанов көз арбасып, титулдық жекпе-жек алдында чемпионға сес көрсетті

Фото: instagram.com/adal_promotions; Видеодан кадрлар

Орта салмақтағы қазақстандық боксшы Мейірім Нұрсұлтанов WBC тұжырымы бойынша уақытша чемпион кіші Хесус Рамоспен көз арбасу рәсімін өткізді, деп хабарлайды Tengri Sport.

Сан-Диегода (Калифорния штаты, АҚШ) қазақстандық Мейірім Нұрсұлтанов пен WBC нұсқасы бойынша уақытша чемпион, америкалық кіші Хесус Рамос арасындағы жекпе-жек алдында баспасөз мәслихаты өтті.

Пікірталас кезінде Рамос Нұрсұлтановтан қалай жеңіске жетпекші екенін сұрады. Қазақстандық боксшы қысқа қайырды.

"Мұны сен сенбіде көресің", - деп жауап берді Нұрсұлтанов.

Instagram-дағы бұл жарияланымды көру

Meiirim Nursultanov MN (@meiirim.nursultanov) жариялаған пост

Баспасөз мәслихатынан кейін боксшылар дәстүрлі көз арбасу рәсімін өткізіп, кездесуді аяқтады.

Instagram-дағы бұл жарияланымды көру

World Boxing Council (@wbcboxing) жарияланымы

Рамосқа қарсы жекпе-жек - оның мансабындағы ең маңыздысы және қазақстандық бокстағы "жыл жекпе-жегі" болуы мүмкін

Еске сала кетейік, Мейірім Нұрсұлтанов пен кіші Хесус Рамос арасындағы жекпе-жек 19 қыркүйекте Сан-Диегода (Калифорния штаты, АҚШ) өтеді. Тараптар америкалыққа тиесілі WBC уақытша чемпионы белбеуін сарапқа салады.

Қазақстандық үшін бұл титулдық жекпе-жек рингке үш жылға жуық үзілістен кейін оралу болмақ. Ол кейінгі рет 2023 жылдың қарашасында жұдырықтасып, төрешілердің бірауыз шешімімен чилилік Хулио Аламосты жеңген болатын.

Нұрсұлтановтың еншісінде қатарынан 20 жеңіс бар, ол бірде-бір рет жеңілмеген.

Instagram-дағы бұл жарияланымды көру

World Boxing Council (@wbcboxing) жарияланымы

Сондай-ақ бұл кездесудің жеңімпазы WBC нұсқасы бойынша тұрақты чемпион, доминикандық боксшы Карлос Адамеспен жекпе-жекке шығуға міндетті үміткер атанатынын атап өткен жөн.