Ойсырай жеңілген “Қайраттың“ Еуропа Лигасындағы тағдыры анықталды

Еске сала кетейік, текетірестің алғашқы матчы Алматыдағы "Орталық" стадионда өтіп, 0:3 есебімен Брюссель командасының пайдасына аяқталған болатын.

"Қайраттың" "Андерлехтке" қарсы матчтегі құрамы

Шерхан Қалмырза (Қ), Лев Кургин, Олжас Байбек, Дамир Қасаболат, Еркін Тапалов, Яакко Оксанен, Әділет Садыбеков, Луиш Мата, Ойва Юккола, Марк Гуаль, Исмаил Бекболат.

Матч барысы

Бірінші таймның соңында алматылықтардың жартылай қорғаушысы Олжас Байбек өз айып алаңында допты қолымен ойнап, төреші пенальти белгіледі.

45+2-минутта алаң иелерінің шабуылшысы Михайло Цветкович допқа жақындап, Шерхан Қалмырза қорғаған қақпаның оң жақ төменгі бұрышына дәл соққы бағыттап, есеп ашты.

53-минутта "Андерлехт" басымдығын арттырды: шабуылшы Данила Сикан шеберлігін паш етіп, қақпаның оң жақ бұрышын дәл көздеді.

71-минутта бельгиялықтар есепті еселеп, қорғаушы Джулиан Бьянкон бұрыштамадан асырылған допты басымен қақпаға бағыттады.

Матчтің қорытынды есебі - 3:0 "Андерлехттің" пайдасына (екі ойынның нәтижесі бойынша 6:0).

Осылайша, алматылық клуб Конференция лигасының топтық кезеңіне жолдама алды, онда қазан мен желтоқсан аралығында кемінде 6 матч өткізеді. Жеребе тарту рәсімі жұма күні, 28 тамызда Қазақстан уақытымен сағат 16:00-де өтеді.

Айта кетейік, жалпы кезеңге 36 команда қатысады, оның 24-і плей-офф сатысына шығады.

Өткен түні қазақстандық Дастан Сәтпаев өнер көрсететін "Бернли" командасы Ағылшын лигасы кубогында қарапайым "Брэдфордтан" ұтылып, жарыс жолынан шығып қалды, бірақ жас вингер жанкүйерлердің оң бағасына ие болды.

Осыдан кейін футболдан Қазақстан құрамасының вингері жанкүйерлерге үндеу жасады. Бұл Ағылшын лигасы кубогында "Бернли" сапындағы жеңілістен кейін болды.

“Реал“ бізге келмейді: Чемпиондар лигасының барлық қатысушысы анықталды