Рыбакина жарақатына байланысты Цинциннатидегі турнирден бас тартты

Скриншот/https://www.instagram.com/cincytennis

Қазақстандық теннисші Елена Рыбакина Цинциннатидегі (АҚШ) WTA 1000 сериялы турниріндегі өнерін аяқтады. Ол жарақатына байланысты жартылай финалға шығу үшін өтетін матчтен бас тартты. Бұл туралы Cincinnati Open турнирі хабарлады, деп жазады Tengri Sport.

Елена Рыбакинаның ойыннан бас тартуына байланысты Польша өкілі, әлемнің бесінші ракеткасы Ига Швёнтек Цинциннати турнирінің жартылай финалына шықты.

Ширек финалда Рыбакина бірінші сетте 1:4 есебімен ұтылып жатқанда, жарақатына байланысты күресті жалғастыра алмады.

Championat ақпаратынша, кездесу ұзақтығы 28 минутты құрады. Швёнтек бірде-бір эйс жасай алмады, бір рет қос қателік жіберді және жалғыз брейк-пойнтты сәтті пайдаланды.

Рыбакина бір эйс жасап, бір рет қос қателік жіберді және жалғыз брейк-пойнт мүмкіндігін пайдалана алмады.

Келесі кезеңде Швёнтек америкалық Джессика Пегуламен кездеседі.

Елена Рыбакина Теннис