“Шавкат қайда“: қазақстандықтар Рахмоновтың UFC турниріне қатысатынына күмән келтірді

Фото © Tengrinews.kz / Тұрар Қазанғапов

Қазақстандық файтер Шавкат Рахмонов Бакуде өтетін UFC турниріне Асу Алмабаевтың секунданты ретінде барады. Алайда қазақстандық жанкүйерлер бұған күмән келтіре бастады, - деп хабарлайды Tengri Sport.

Қазақстандық файтер Шавкат Рахмонов Бакуде өтетін UFC турниріне Асу Алмабаевтың секунданты ретінде барады. Алайда қазақстандық жанкүйерлер бұған күмән келтіре бастады, - деп хабарлайды Tengri Sport.

Бұған дейін UFC-дегі танымал қазақстандық файтерлердің жаттықтырушысы Эдуард Базров Tengri Sport тілшісіне берген сұхбатында Шавкат Рахмонов өзінің тағы бір шәкірті - аса жеңіл салмақтағы файтер Асу Алмабаевтың жекпе-жегіне секундант ретінде баруды жоспарлап отырғанын айтқан болатын.

Instagram-дағы бұл жарияланымды көру

UFC Eurasia (@ufceurasia) жарияланымы

Жаттықтырушының әлеуметтік желідегі парақшасында Асу Алмабаев, Әліби Ыдырыс және Санжар Әділовпен түскен суреті жарияланды.

Суретке "Бакудегі алғашқы жаттығу" деген жазба қалдырылған. Желі қолданушылары бұл жазбаның астына: "Ал Шавкат Рахмонов қайда?" деген сұрақтар жаудырды.

Instagram-дағы бұл жарияланымды көру

Alibi Idiris (@alibi_idiris) жарияланымы

Tengri Sport тілшісі Рахмоновтың секундант ретінде келетін-келмейтінін немесе жоспарларының өзгерген-өзгермегенін білу үшін Эдуард Базровқа хабарласты.

"Дайындық жоспар бойынша жүріп жатыр. 4 маусымда ұшып келдік. Бәрі осында: Әліби Ыдырыс, Санжар Әділов келді. Шавкаттың секундант болуына қатысты әзірге өзгеріс жоқ. Шавкат мұнда жүз пайыз келеді", - деді Эдуард Базров.

Instagram-дағы бұл жарияланымды көру

Eduard Bazrov-тың жазбасы (@eduard_bazrov15)

Сондай-ақ жаттықтырушы Асудың дайындық барысы мен қарсыласының мықты тұстары туралы айтып берді. Базровтың сөзінше, дайындық кезінде Алмабаевтың қарсыласының басқа қазақстандықтар - Жалғас Жұмағұлов пен Азат Мақсұмға қарсы өткізген жекпе-жектерінің видеосын талдау көмектескен.

"Қарсыласымыздың өте төзімді екенін білеміз. Соққысы жаман емес, ерекше файтер. Өз стилін таңа алады. Біз мұны Жалғас Жұмағұлов пен Азат Мақсұмның жекпе-жектерінен көрдік. Оның басты артықшылығы - тынысының жақсылығы мен футворкінің мықтылығы. Аяғымен жақсы жұмыс істейді.

Біз өз мықты тұстарымызды шыңдап жатырмыз. Қазіргі жиын - қорытындылаушы, дайындық кезеңі. Негізгі жұмысты атқарып қойдық. Қазір бабымызға келіп жатырмыз. Көбіне спаррингтерге көңіл бөліп жатырмыз. 10 күннен кейін салмақ қууды бастаймыз. Ең бастысы - салмақты дер кезінде түсіріп, жекпе-жекке жарақатсыз келу", - деді жаттықтырушы.

Instagram-дағы бұл жарияланымды көру

Асу Алмабаевтың (@asu_zulfikar57) жарияланымы

Еске салайық, Асу Алмабаев келесі жекпе-жегін 27 маусымда Бакудегі (Әзербайжан) "Baku Crystal Hall" аренасында өтетін UFC Fight Night 280 турнирінде өткізеді.

Оның қарсыласы - америкалық Чарльз Джонсон.