Соболенко Рыбакинамен матчтегі іс-әрекеті үшін айыппұл арқалауы мүмкін

Фото: ogfoto@yahoo.es/depositphotos.com

Әлемнің экс-бірінші ракеткасы Арина Соболенко US Open-2026 турнирінің финалында жеңілгеннен кейін ірі көлемде айыппұл арқалауы мүмкін, деп хабарлайды Tengri Sport GMS сайтына сілтеме жасап.

Беларусь теннисшісі Арина Соболенко US Open-2026 финалында қазақстандық Елена Рыбакинадан жеңілгеннен кейін эмоциясын ұстай алмады. Өз орындығына оралған ол ракеткасын корт төсенішіне бірнеше рет ұрып сындырды.

Рыбакина жеңісін тойлап жатса, Соболенко ракеткасын талқандап жатыр 🕊️🕊️🕊️ pic.twitter.com/TqNYLoiscA
- Gio (@jsmove7) 12 қыркүйек, 2026 жыл

Кейінірек оператор оның реакциясын түсірмек болғанда, Соболенко қолымен сермеп, оның адресіне ағылшын тілінде дөрекі сөз айтқан.

Басылымның хабарлауынша, турнир ұйымдастырушылары тәртіп бұзғаны үшін оған 70 мың долларға (31,6 миллион теңге) дейін айыппұл салуға құқылы.

400 мың доллар тұратын алқа таққан #Sabalenka экран алдындағы теннис жанкүйерлеріне: f..ck off .)#USOpen pic.twitter.com/leBxcdMztz
- krzleskow (@krzleskow) 13 қыркүйек, 2026 жыл

Оқиғадан кейін Соболенко мұндай әрекетін сұхбат пен баспасөз мәслихатында өзін ұстау үшін ішіндегі эмоциясын сыртқа шығару қажеттілігімен түсіндірді.

"Үлкен дулыға турнирінің финалында, оның үстіне қатарынан үшінші рет титулды жеңіп алуға тырысқан сәтте жеңіліс табу өте ауыр, мұндайда эмоцияны бақылау қиын. Егер мен мұны іште сақтағанымда, қазір немесе кортта бір ауыз сөз айта алмас едім. Ол жердегі реакциям тіпті ерсі болар еді. Мен барлық агрессиям мен көңіл қалуымды сыртқа шығарғым келді", - деді Соболенко.

Соболенка Елена Рыбакинадан жеңілгеннен кейін эмоцияға ерік беру үшін ракеткасын сындырғанын айтты: "Егер бәрін ішімде сақтағанымда, кортта да, дәл қазір де бір ауыз сөз айта алмас едім"

"Сіз бір сәтте допты жанкүйерлерге қарай ұрып жібердіңіз, содан кейін ракеткаңызды..."

Арина: "Бұл... pic.twitter.com/waHYuZ4Pnn
- The Tennis Letter (@TheTennisLetter) 13 қыркүйек, 2026 жыл

Айта кетейік, бұл әлемнің экс-бірінші ракеткасының мансабындағы алғашқы жағдай емес. Бұған дейін де Соболенко кортта бірнеше рет ашуға бой алдырған. Ең жарқын мысалдардың бірі - Australian Open-2025. Финалда Мэдисон Кизден жеңілгеннен кейін ол тағы да ракеткасын сындырған болатын.

Мэдисон Киз Соболенконы жеңіп, мансабындағы алғашқы Үлкен дулыға турнирі - Australian Open жеңімпазы атанды! 🏆 pic.twitter.com/RFnHmNYowj
- B24 (@B24PT) 25 қаңтар, 2025

Ал US Open-2023 турнирінде Кори Гауффтан жеңілген соң, беларусьтік теннисші киім ауыстыратын бөлмеде ракеткасын еденге бірнеше рет ұрып, қоқыс жәшігіне лақтырып жіберген.

Арина Соболенко 2023 жылғы US Open финалында Коко Гауффтан жеңілгеннен кейін осындай әрекетке барған соң, аталған турнирде қатарынан 18 (ОН СЕГІЗ) матчта жеңіске жетті.

Кейде буды сыртқа шығарып алған жақсы! 💪 pic.twitter.com/iuFLzd8tEg
- Pavvy G (@pavyg) September 7, 2026

"Жылына бір рет таяқ та атады": Соболенко Рыбакинадан жеңілгеннен кейін эмоциясын жасыра алмады

Арина Соболенконың Елена Рыбакинаға қатысты көзқарасын матчтерден кейін, әсіресе қазақстандық теннисші жеңіске жеткенде, жиі эмоциямен білдіретінін атап өткен жөн.

Еленаның Аринаны алғаш рет жеңген кезінде - 2023 жылдың наурызында Индиан-Уэллстегі (АҚШ) турнирде - Соболенко марапаттау рәсімінде нағыз шоу көрсетті. Қазақстандық теннисші қарсыласына финал үшін құрмет білдіріп жатқанда, ол кенеттен тілін шығарып, трибунадағы жанкүйерлерді күлдірді.

"I'll make sure it was the last one...!" 🤣

Fighting talk from @SabalenkaA 😝 #TennisParadise pic.twitter.com/9ADEFjMYfq
- wta (@WTA) March 19, 2023

Ал өткен жылғы WTA Қорытынды турнирінің финалында (онда да қазақстандық жеңіске жеткен) Соболенко матч кезінде эмоциясына ие бола алмады. Рыбакинаның кезекті сәтті ұпайынан кейін Арина өз командасына "жылына бір рет таяқ та атады" деп айқайлаған болатын.

Instagram-дағы бұл жарияланымды көру

Court Chaos (@courtchaosofficial) жарияланымы

Еске сала кетейік, АҚШ ашық чемпионатының финалында Елена Рыбакина беларусьтік Арина Соболенконы 6:4; 5:7; 6:2 есебімен жеңген болатын.

Қазақстандық теннисші үшін бұл жеңіс Үлкен дулыға сериясындағы үшінші титул болды (бұған дейін 2022 жылы Уимблдонды және 2026 жылы Australian Open-ді жеңіп алған).

Ал бүгін, 14 қыркүйекте, WTA рейтингі жаңарғаннан кейін қазақстандық теннисшінің еншісінде 9901 ұпай бар. Бұл оған бірінші орынға шығып, ресми түрде әлемнің бірінші ракеткасы атануға мүмкіндік берді.