+7 (777) 001 44
99
Бокстан Қазақстан құрамасының өкілі Сұлтанбек Айбарұлы Бразилияның Фос-ду-Игуасу қаласында өтіп жатқан Әлем кубогының жартылай финалына өтті, - деп хабарлайды Tengri Sport тілшісі Vesti.kz-ке сілтеме жасап.
85 келіге дейінгі салмақ дәрежесінде ол германиялық Валерий Вальтермен қолғап түйістірді. Төрешілердің бірауыздан шығарған шешімімен жеңіс қазақстандық спортшыға берілді.
Сонымен қатар, боксшы Диас Молжігітов Әлем кубогының бірінші кезеңінің жартылай финалына шыға алмады. 80 келіге дейінгі салмақ дәрежесінде ол Бразилия өкілі Вандерлей Перейрамен кездесуі керек еді, бірақ жекпе-жек тоқтатылды.
Бұған Молжігітовтің ұлыбританиялық Оладжимеджи Шиттуге қарсы ширек финалда алған көз жарақаты себеп болды.
Нәтижесінде Перейра жекпе-жексіз турнирдің финалына шығып, алтын медаль үшін таласатын болды, ал Молжігітов жарысты қола жүлдемен аяқтады.
