+7 (777) 001 44
99
Елдің ең танымал қос спортшысы осы күндері "Алматы Аренада" өтіп жатқан Almaty Open турнирінде жолықты. Ұйымдастырушылар Рахмонов пен Бубликке ММА файтерлері мен боксшылардың үлгісімен бір-бірінің көзіне тік қарауды ұсынды.
Теннисші Рахмоновтың өткір жанарына шыдай алмай, бірнеше секундтан кейін-ақ жүзін тайдырып әкетті, бірақ екінші талпыныста ұзағырақ шыдас берді.
"Соңында төбелесудің қажеті жоқтығы жақсы болды", - деді Бублик көз арбасу аяқталғаннан кейін.
Спортшылардың жанкүйерлері бұл кездесуге дән риза болды. Кейбіреулер жекпе-жек форматына қарамастан, екеуінің де жанарынан мейірім байқалатынын атап өтті.
"Қазақстанның қос аңызы";
"Туған күніңе әртүрлі ортадан достарыңды шақырғандағы сәт";
"Жанары жылы екен!";
"Бұл жерде Бублик жуас жігіт сияқты көрінеді, бірақ октагонда кім білсін", - деп жазды жанкүйерлер видео астына.
Instagram-дағы бұл жарияланымды көру
Екеуіне 3 миллион оқырман: Рахмонов пен Бублик - Қазақстанның ең танымал спортшылары
Айта кетейік, дәл осы Рахмонов пен Бублик еліміздің ең танымал спортшыларының көшін бастап тұр. Шавкаттың Instagram желісінде 1,8 миллион оқырманы бар, бірақ ол 2024 жылдан бері UFC-де жекпе-жек өткізбегендіктен, ұйым рейтингінен шығып қалған болатын.
Instagram-дағы бұл жарияланымды көру
Александр Бублик - әлемнің 19-шы ракеткасы, оған 1,4 миллион адам жазылған.
Instagram-дағы бұл жарияланымды көру
Бұған дейін қазақстандық киберспортшы, FURIA командасының мергені Данил "molodoy" Голубенко Thunderpick World Championship-2026 турнирінде чемпион атанды.
Ал шпагамен семсерлесуден Қазақстан құрамасы жаңа маусымды жеңіспен бастап, Мароккодағы Әлем кубогі кезеңінде топ жарды.
