УЕФА Темірлан Анарбековтің Чемпиондар лигасындағы сейвін бағалады

Фото © Tengrinews.kz / Болат Айтмолда

УЕФА Чемпиондар лигасының Instagram парақшасында "Қайрат" қақпашысы Темірлан Анарбековтің сейв жасаған видеосын жариялады. Бұл сейв іріктеу кезеңінің екінші раундында кипрлік "Омонияға" қарсы пенальти сериясында жасалған, деп хабарлайды Tengri Sport.

УЕФА қазақстандық қақпашының шешуші сейвіне назар аударды, соның арқасында алматылықтар қатарынан екінші жыл Чемпиондар лигасы іріктеуінің үшінші раундына дейін жетті. Сондай-ақ жарияланымда Темірланның ерекше тойлау стилі де атап өтілді: сейвтен кейін қақпашы ойша шляпасын шешіп, сыпайы ишарамен иілді.

"Тойлауға лайықты сейв", - делінген видеоның сипаттамасында.

Айта кетейік, бұл УЕФА-ның Темірлан Анарбековті бірінші рет атап өтуі емес.

Былтыр ол Чемпиондар лигасы тарихында "Матч ойыншысы" марапатын иеленген алғашқы қазақстандық атанды. Бұл грекиялық "Олимпиакосқа" қарсы ойыннан кейін болған еді.

Instagram-дағы бұл жарияланымды көру

«Қайрат» ФК | FC Kairat Almaty (@f.c.kairat) жарияланымы

Бұдан бөлек, Анарбеков Flashscore беделді порталының нұсқасы бойынша өткен маусымдағы Чемпиондар лигасының символикалық құрамасына енді.

Instagram-дағы бұл жарияланымды көру

UEFA Champions League (@championsleague) жарияланымы

Бұған дейін футболдан Қазақстан құрамасының жаңа бас бапкері Джон ван ’т Шкип Анарбековтің "Қайраттағы" бұрынғы әріптесі - Дастан Сәтбаев туралы пікір білдірген болатын.