+7 (777) 001 44
99
Жапонияда өткен Азия ойындарында 20 жастағы қазақстандық осы спорт түрінен еліміздің тарихында алтын алған алғашқы спортшы атанды.
Спортшы елге оралған ұшақ экипажы оған күтпеген тосынсый дайындады.
"Чемпион Тамирлан Тілеулесті Азия ойындарында таэквондодан жеңіске жетуімен құттықтаймыз. Жаңа жеңістер, жарқын жетістіктер мен биік белестерді бағындыруды тілейміз", - деді ұшқыш ұшу кезінде рация арқылы.
Еске салайық, Азиаданың 58 келіге дейінгі салмақ дәрежесіндегі финалында ол Филиппин өкілі Курт Брайан Барбосамен кездесіп, 2:0 есебімен басым түсті.
Instagram-дағы бұл жарияланымды көру
Тамирлан Тілеулес кім?
20 жастағы Алматы тумасы бұған дейін жасөспірімдер арасында Азия чемпионатын ұтып, өткен жылдың соңында жастар арасындағы әлем чемпионатында үшінші орынға ие болған.
Сонымен қатар, ол 2023 жылдан бастап ересектер деңгейінде өнер көрсетіп, халықаралық турнирлерде жүлде алып жүр.
Азия ойындарының алтыны - Тамирланның мансабындағы қазіргі уақыттағы басты жетістігі.
Instagram-дағы бұл жарияланымды көру
Айта кетейік, Тамирлан иеленген медаль – Қазақстан құрамасының Азия ойындарындағы соңғы алтыны. Жалпы команда 12 алтын, 24 күміс және 48 қола медаль жеңіп алды.
Тарихи жетістіктер және 84 медаль: Қазақстан Азиадада қалай өнер көрсетті?
