+7 (777) 001 44
99
2026 жылғы футболдан әлем чемпионаты 1/8 финалының төртінші қатысушысы анықталды. Еуропа мен Африка текетіресінде марокколықтар басым түсті, деп хабарлайды Tengri Sport.
Матч Гуадалупедегі (Мексика) ББВА стадионында өтті.
Марокко мен Нидерланд арасындағы кездесу 1/16 финалдағы ФИФА рейтингінің алғашқы ондығына кіретін екі команданың басын қосқан жалғыз матч болды. Айта кетерлігі, Африканың қазіргі чемпиондары тіпті қарсыластарынан жоғары тұр - жетінші орындағы голландтарға қарағанда алтыншы сатыда.
Бұл ретте ӘЧ-2026 турнирінде Нидерланд құрамасы өз тобында жеңіске жетсе, марокколықтар доп айырмашылығы бойынша бразилиялықтарға жол беріп, екінші орын алған болатын.
Марокко - Нидерланд: матч барысы
Алаңға қос команданың да басты жұлдыздары — ПСЖ-дан Ашраф Хакими, "Реалдан" Браим Диас, "Ливерпульден" Коди Гакпо және "Барселонадан" Френки де Йонг шықты. Кездесу тағдырын дәл осы көшбасшылар шешті.
Екі команда да матчті сақтықпен бастап, бірінші тайм бойы бір-бірінің қақпасына бар-жоғы екі соққы бағыттады.
Бірінші таймнан кейінгі есеп - 0:0.
Екінші таймда футбол анағұрлым ашық ойын болды. 52-минутта Хакими соққан доп қақпа бағанына тиді.
Голландтар бұған тура 20 минуттан кейін жауап қатты - орталықтан басталған жойқын шабуыл Гакпоның қайтару мүмкін емес соққысымен аяқталды.
Instagram-дағы бұл жарияланымды көру
Матч тағдыры шешіліп қойғандай көрінген еді, алайда 91-минутта қорғаушы Исса Диоп Нидерланд айып алаңына жетіп барып, бағытталған допты баспен соғып, есепті теңестірді.
Instagram-дағы бұл жарияланымды көру
Негізгі уақыттан кейін матч есебі 1:1 болды.
Қосымша уақыттағы шешуші сәттердің бірі 96-минутта болды. Жеке дара шабуылдан кейін Суфьян Рахими Марокконы алға шығара алар еді, бірақ қақпашы Барт Вербрюгген тамаша сейв жасады.
Бұдан кейін командаларда айтарлықтай гол соғатын мүмкіндік болған жоқ.
Қосымша уақыт 1:1 есебімен аяқталды.
Пенальти сериясының алғашқы соққыларынан-ақ ойыншылар допты қақпа маңдайшасы мен бағанына тигізе бастады. Келесі мүлт кету 2:2 есебі кезінде болды - Тимбер қақпаның бос бұрышына дөп түсе алмады.
Дегенмен, келесі соққыда Хакими де қателік жіберді - оның соққысы да қақпа бағанына тиді.
Саммервилл нүктеден соққы жасау кезіндегі сәтсіздіктер сериясын жалғастырды - оның соққысын марокколық қақпашы қайтарды. Ал Сайбари сенімді соққымен матчқа нүкте қойды.
Пенальти сериясында Марокко командасы басым түсті (3:2).
Осы матчтің жеңімпазы 1/8 финалда турнир қожайындары - Канада құрамасымен ойнайды.
Бұған дейін 1/16 финалда плей-офф кезеңінің алғашқы сенсациясы тіркелген болатын - Германия құрамасы пенальти сериясында Парагвай командасына жол берді.
Ал турнирдің тағы бір фавориті - Бразилия құрамасы бірінші таймнан кейін жапондардан жеңіліп жатқан еді, бірақ ойын барысын өзгертіп, жеңіске жетті.
