+7 (777) 001 44
99
Халықаралық футбол федерациясы (ФИФА) Мехикодағы "Ацтека" стадионы маңында найзағай соғу қаупіне байланысты Мексика мен Эквадор құрамалары арасындағы матчтің басталуы бір сағатқа шегерілгенін хабарлады, деп жазады Tengri Sport.
Матч жергілікті уақыт бойынша сағат 19:00-де басталуы керек еді, бірақ ойынның басталу уақыты кейінге қалдырылды. Футболшылар алаңға жаттығу жасауға ойынның жоспарланған уақытынан кешірек шықты.
"Мехикодағы қолайсыз ауа райына, соның ішінде стадион маңындағы найзағай қаупіне байланысты футболдан әлем чемпионатының 1/16 финалындағы Мексика мен Эквадор құрамалары арасындағы матчтің басталуы жергілікті уақыт бойынша 20:00-ге ауыстырылды", - делінген хабарламада.
ФИФА барлық қатысушы мен көрерменнің қауіпсіздігі басты басымдық екенін атап өтіп, жанкүйерлерге түсіністік танытқаны үшін алғыс айтты.
Екі команданың жанкүйерлері стадионға жиналып, керемет атмосфера орнатып жатқанда, арена үстін қою қара бұлт торлады.
Жаңбыр жауса да, күн ашық болса да, бұл құлшынысты ештеңе тоқтата алмайды. 🌧️🙌#SomosMéxico pic.twitter.com/itqPS2S8ak
— Mexican National Team (@miseleccionmxEN) Шілде 1, 2026
Мексика құрамасы үш жеңіске жетіп, алты гол соғып және өз қақпасына бірде-бір гол жібермей, А тобында бірінші орын алды. Ал Эквадор өз кезегінде Германияны 2:1 есебімен жеңіп, плей-офф кезеңіне жолдама алды.
Instagram-дағы бұл жарияланымды көру
Эквадорлықтар үшін бұл әлем чемпионатының плей-офф кезеңіне тарихында екінші рет шығуы. Олар алғаш рет 2006 жылы Германияда өткен турнирде топтан шығып, 1/8 финалда турнир қожайындарына есе жіберген болатын.
