ӘЧ-26: Уругвай - Кабо-Верде матчі сенсациямен аяқталды

Әлем чемпионатының Н тобындағы 2-тур аясында Уругвай мен Кабо-Верде құрамалары арасындағы матч аяқталды, деп хабарлайды Tengri Sport тілшісі Championat басылымына сілетем жасап.

Ойын Майамидегі (АҚШ) "Хард Рок" стадионында өтті. Бас төреші қызметін Эспен Эскос (Норвегия) атқарды. Кездесу 2:2 есебімен тең аяқталды.

21-минутта "Краснодар" мен Кабо-Верде құрамасының жартылай қорғаушысы Кевин Ленини өз командасын алға шығарды. 44-минутта қорғаушы Максимилиано Араухо жауапты гол соқты. 45+6-минутта жартылай қорғаушы Агустин Каноббио Уругвай құрамасын есепте алға шығарды. 61-минутта аралдықтардың шабуылшысы Элио Варела есепті теңестірді.

1-турда Уругвай Сауд Арабиясымен тең түссе (1:1), Кабо-Верде құрамасы Испаниядан ұпай еншілеп, сенсация жасады - кездесу 0:0 есебімен аяқталды.

Топтық кезеңнің қорытынды 3-турында Уругвай Испаниямен, ал Кабо-Верде Сауд Арабиясымен кездеседі, екі ойын да 27 маусымда өтеді.

Турнирдің топтық кезеңі 11-27 маусым аралығында өтеді. Әр команда топтағы қарсыластарымен бір ойыннан өткізеді. Плей-офф кезеңіне әр топтан ең үздік екі құрама, сондай-ақ үшінші орын алған сегіз команда жолдама алады.