ӘЧ плей-офф кезеңіне шығу үшін шешуші матчтер: Қазақстанда қайдан көруге болады?

Фото: thenews2.com/depositphotos.com

Бүгін, маусымның 24-інен 25-іне қараған түні, футболдан әлем чемпионатының топтық кезеңіндегі қорытынды тур матчтері басталады, деп хабарлайды Tengri Sport.

Бүгін, маусымның 24-інен 25-іне қараған түні, футболдан әлем чемпионатының топтық кезеңіндегі қорытынды тур матчтері басталады, деп хабарлайды Tengri Sport.

Алғашқы болып плей-офф жолдамасы үшін күресті А, В және С топтарының командалары аяқтайды.

Үшінші турдың басталуына дейін осы төрттіктердегі 12 команданың ішінен тек Мексика құрамасы ғана 1/16 финалға шығу мүмкіндігін қамтамасыз етті.

Барлық ойынды Qazsport және Qazaqstan телеарналары мен олардың сайттары тікелей эфирде көрсетеді.

"Хоккей дербиі" және "Астана" ойыншысының матчі

Ойын күні әлем чемпионатының қожайындары – канадалықтар мен Швейцария құрамасы арасындағы матчпен басталады. Әлеуметтік желілердегі жанкүйерлер бұл кездесуді әзілдеп "хоккей дербиі" деп атап кетті, өйткені бұл екі ел футболға қарағанда дәл осы спорт түрінен әлдеқайда үлкен жетістіктерге жеткен.

Соған қарамастан, 2026 жылғы ӘЧ-де Канада мен Швейцарияның плей-офф кезеңіне шығу ықтималдығы жоғары. Қазір командалардың еншісінде 4 ұпайдан бар, ал тең есеп олардың бірінші және екінші сатыда қалуына мүмкіндік береді.

Командалардың бірі жеңілген жағдайда, Катар/Босния және Герцеговина жұбының жеңімпазы оны басып озу мүмкіндігіне ие болады. Сонымен қатар бұл кездесудегі тең есеп екі құраманың да жарыстан шығып қалуына әкелуі әбден мүмкін.

Егер босниялықтар турнирден шығып қалса, Қазақстан Премьер-лигасының жалғыз өкілі Иван Башич те жарыстан шығады.

Instagram-дағы бұл жарияланымды көру

Arena Sport Agency (@arenasportagency) жарияланымы

В тобының матчтер кестесі

25 маусым 00:00 Канада - Швейцария (трансляция - Qazaqstan);

25 маусым 00:00 Катар - Босния және Герцеговина (трансляция - Qazsport).

Бразилиялықтар плей-офф жолындағы күресте

В тобынан кейін топтық кезеңдегі соңғы матчтерін С квартетінің құрамалары өткізеді. Бірінші турдағы Бразилия мен Марокко арасындағы тең ойыннан кейін екі команда да екінші турда сенімді жеңіске жетіп, плей-оффқа шығу мүмкіндігін іс жүзінде қамтамасыз етті.

Енді оларға кімнің қай орынмен 1/16 финалға шығатынын анықтау ғана қалды. Бұл ретте мароккалықтардың міндеті жеңілірек – оларға топтан шығу мүмкіндігінен айырылып қалған Гаитиді жеңу керек. Ал Бразилия жұлдыздарына Шотландия құрамасының қарсылығын басу қажет.

Instagram-дағы бұл жарияланымды көру

Жарияланым: CBF • Seleção Brasileira de Futebol (@brasil)

С тобының матчтер кестесі

25 маусым 03:00 Шотландия - Бразилия (трансляция - Qazaqstan);

25 маусым 03:00 Марокко - Гаити (трансляция - Qazsport).

Турнир қожайындары біреуге плей-офф жолдамасын сыйлауы мүмкін

А тобында тек Мексика құрамасы әлем чемпионатының плей-офф кезеңіне бірінші орынмен шығуын қамтамасыз етті. Чехия құрамасымен матчта олар жеңіліп, қарсыластарын плей-оффқа өткізіп жіберуге мүмкіндігі бар.

Сонымен қатар ОАР - Оңтүстік Корея матчінің қатысушылары мексикалықтарға жанкүйер болады. Егер чехтер жеңілсе, нәтижеге қарамастан екі команданың да плей-оффқа шығуға мүмкіндігі болады.