+7 (777) 001 44
99
Opta статистикалық порталы 2026 жылғы футболдан әлем чемпионатының жеңімпазына қатысты болжамын жаңартты. Енді турнирдің басты фавориті ретінде Аргентина құрамасы аталып отыр, деп хабарлайды Tengri Sport тілшісі theanalyst.com порталына сілтеме жасап.
Топтық кезеңнің бірінші туры аяқталғаннан кейін суперкомпьютер Франция командасын фаворит деп санап, ал аргентиналықтарды үшінші орынға қойған болатын.
Енді француздар екінші сатыға сырғыды, десе де олардың жеңіске жету ықтималдығы Месси бастаған ұжыммен шамалас - 15,46-ға қарсы 15,06 пайыз.
Басқа өзгерістердің ішінде португалиялықтардың рейтингте жоғарылауын атап өткен жөн - Өзбекстанды айқын басымдықпен (5:0) жеңгеннен кейін, олардың чемпиондыққа мүмкіндігі 5,94 пайыздан 6,71-ге дейін өсті. Енді олар Аргентина, Франция, Испания және Англиядан кейінгі орында тұр.
Фото: theanalyst.com
Қай командалар әлем чемпионатында жеңіске жету мүмкіндігінен айырылды?
Айта кетейік, екінші тур матчтерінің қорытындысы бойынша плей-офф кезеңіне шықпайтыны нақ анықталған алғашқы командалар белгілі болды - олар Гаити, Түркия, Тунис, Иордания және Панама құрамалары.
Суперкомпьютер Ирак (3,42) және Өзбекстан (7,36) командаларының турнирде қалу мүмкіндігі өте төмен деп есептейді. Екі құрамаға да шешуші матчте міндетті түрде жеңіске жетіп, барынша көп гол айырмашылығын тіркеу қажет.
Фото: theanalyst.com
Еске сала кетейік, әлем чемпионатының топтық кезеңіндегі үшінші тур бүгін, 24-інен 25 маусымға қараған түні басталып, жексенбі, 28 маусым күні таңертең аяқталады.
