+7 (777) 001 44
99
Әлем чемпионатының топтық кезеңінің шешуші турының алғашқы матчтерінен кейін 1/16 финалдың алғашқы жұбы анықталды, деп хабарлайды Tengri Sport.
A және B топтарындағы қорытынды орындар анықталған соң, 1/16 финалда ОАР (A тобында 2-орын) және Канада (B тобында екінші орын) командалары кездесетіні белгілі болды.
Олардың матчі Қазақстан уақытымен 28-нен 29 маусымға қараған түні өтеді және әлем чемпионатының тарихындағы алғашқы 1/16 финал кезеңін ашады.
Еске сала кетейік, плей-оффқа шығу үшін өткен шешуші матчтарда ОАР құрамасы Оңтүстік Кореяны 1:0 есебімен жеңді, ал канадалықтар Швейцариядан 1:2 есебімен ұтылып, қарсыластарына топта бірінші орынға шығуға мүмкіндік берді.
Айта кетейік, ОАР құрамасы үшін 2026 жылғы әлем чемпионатының плей-офф кезеңіне шығуы тарихтағы алғашқы жетістік болды.
Instagram-дағы бұл жарияланымды көру
2026 жылғы әлем чемпионатының плей-офф кезеңіне кімдер шықты
Канада мен ОАР-дан бөлек, Мексика, Швейцария, Босния және Герцеговина, Бразилия, Марокко, АҚШ, Германия, Франция, Норвегия, Аргентина және Колумбия құрамалары ӘЧ-2026 турнирінің 1/16 финалына жолдама алып қойған.
Бүгін, 25-нен 26 маусымға қараған түні плей-оффқа қатысатын тағы бірнеше команда анықталады.
Чехияның турнирден шығуы және плей-оффқа тарихи жолдама: ӘЧ-2026 матчтарына шолу
Бұған дейін Марокко мен Гаити құрамалары ӘЧ-2026 топтық кезеңінің соңғы турында алты гол соғылған матч өткізген болатын.
