Аргентина матч үшін миллиондаған доллар талап етті: жаңа дау шықты

Басылым мәліметінше, Мексикадағы "Ацтека" стадионы жаңғыртудан кейін алаң иелері мен Аргентина арасындағы матчпен ашылуы керек еді. Футбол федерациялары келіссөздер жүргізгенімен, ақыр соңында шарттар бойынша ортақ мәмілеге келе алмады.

"Мәселе Аргентина футбол федерациясы мексикалық тарапқа: "Білесіздер ме? Иә, матч үшін гонорар алты миллион доллар" деген кезде туындады. Алты миллион - қомақты сома; бұл команда әлемдегі ең жоғары гонорар сұрайды, тіпті Португалиядан да көп. Бірақ осы тұста мынадай шарт қойылды: "Бір бөлігін мына жаққа, екіншісін - ана жаққа, ал үшіншісін тағы бір жерге аудару керек". Яғни, ақшаны әртүрлі адресатқа бөліп жіберу талап етілген", - дейді журналист Карлос Понсе де Леон.

Барлық соманы үшке бөлу талабы мексикалықтарды күмәндандырған.

"Мексика федерациясы тәуекелге бармай, басына пәле тілеп алмауды ұйғарды. Олардың міндеті тек Аргентина федерациясына матч үшін ақша төлеу болатын. Егер бұлай істеу мүмкін болмаса, онда солай-ақ болсын, бірақ олар қаражатты бөлуге арналған арна рөлін атқарғысы келмеді. Олар соманы басқа мақсаттарға бөлуді көздейтін схемаға қатысқысы келмеді", - деді журналист.

Нәтижесінде мексикалықтар "Ацтека" стадионын Португалия құрамасына қарсы ойынмен (0:0) ашты. Дегенмен, португалиялықтар басты жұлдызы Криштиану Роналдусыз келді.

Аргентина футбол федерациясы айналасындағы даулар

Айта кетейік, Мексикаға қарсы матчке қатысты жағдай Аргентина футбол федерациясы (АФА) басшылығының аты аталған алғашқы дау емес.

Жақында БАҚ-та Федералды тергеу бюросы қаржылық айла-шарғыға байланысты АФА-ға қарсы істі қайта жандандырғаны туралы ақпарат жарияланды.

ФБР Аргентина футбол федерациясына қарсы тергеуді қайта бастады - БАҚ

Бұл жағдай аргентиналықтар үшін даулы ӘЧ-2026 аясында болып жатыр. Турнир ұйымдастырушыларын Мессидің командасы үшін "жеңіл жеребе" жасады, сондай-ақ төрешілердің аргентиналық ұжымға басқа қатысушыларға қарағанда бүйрегі бұрып тұр деп айыптап жатыр.

“Мессидің сүйіктісі“: ағылшындар ӘЧ жартылай финалына тағайындалған төрешіге наразылық білдірді

Белсенділер Аргентина құрамасын Әлем чемпионатынан шығару туралы арнайы петиция жариялады. Осы уақытқа дейін оған 6 миллионға жуық адам қол қойған.

Аргентина құрамасы ӘЧ-2026 жартылай финалында

Еске сала кетейік, Аргентина футбол құрамасы Әлем чемпионатының 1/2 финалына жетті. Ширек финалда олар қосымша уақытта Швейцария құрамасын ұтты.

Финалға шығу үшін Лионель Месси командасы Англия құрамасымен кездеседі. Ойын 16 шілдеге қараған түні өтеді.

“Аргентинаны шығарып тастаңдар“: 3 миллион адам ФИФА-ға қарсы петицияға қол қойды