Боксшы атышулы жекпе-жектен кейін 33 жасында қайтыс болды

Фото: instagram.com/prichardcolon; x.com/wbcmoro

Атышулы боксшы Причард Колон 33 жасында өмірден озды. Tengri Sport тілшісі тарихтағы ең даулы жекпе-жектердің бірін еске түсіріп, боксшының жарақаттан кейінгі өмірі туралы баяндайды.

2026 жылдың 13 тамызында бокс әлемі қаралы хабар естіді. Пуэрто-Рикалық танымал экс-боксшы Причард Колон 33 жасында қайтыс болды.

Спортшы он жылдан аса уақыт бойы шаршы алаңда алған ауыр жарақат салдарымен өмір сүрді. Ол 2015 жылы өмірі үшін басталған ұзақ әрі азапты күрестен кейін қаза болды.

Причард Колон 33 жасында дүниеден өтті, бұл ақпаратты әкесі әлеуметтік желіде растады.

Колон пуэрто-рикалық үміт күттіретін боксшы болды, ол 2015 жылы мансабындағы алғашқы жеңілісінен кейін миына қан құйылып, жеті ай бойы комада жатты.

Есін жиғаннан кейін Колон толық айыға алмады…pic.twitter.com/SodTuPF3iD
- Ring Magazine (@ringmagazine) 13 тамыз, 2026 жыл

Причард Колонның атышулы жекпе-жегі

2015 жылдың 17 қазанында Фэрфакс қаласында (Вирджиния штаты, АҚШ) Причард Колон америкалық Террел Уильямсқа қарсы шықты. Ол кезде 23 жастағы пуэрто-рикалық боксшының рекорды 16–0 (13 жеңісі нокаутпен) болатын және ол жартылай орта салмақтағы ең болашағы зор спортшылардың бірі саналды.

Бұл кездесу қазіргі бокс тарихындағы ең атышулы жекпе-жектердің біріне айналды. Уильямс боксшының желкесінен бірнеше рет тыйым салынған соққы жасады. Колон рефери Джо Куперге желке тұсы ауырғанын айтып, бірнеше рет шағымданған. Төреші тек бір рет қана Уильямстан ұпай шегерді.

Бесінші раундта Колон белден төмен соққы жасағаны үшін екі айып ұпайын алды. Жетінші раундта желкесіне тиген кезекті соққыдан кейін ол нокдаунға түсті. Ринг маңындағы дәрігер оны тексергенімен, жекпе-жек жалғасты.

Тоғызыншы раундта Уильямс Колонды екі рет сұлатып түсірді. Раунд аяқталған соң Колонның командасы жекпе-жек бітті деп қателесіп, оның қолғабын шеше бастады. Рефери пуэрто-рикалық боксшыны дисквалификациялады. Бұл оның мансабындағы жалғыз жеңілісі болды.

Ауыр ота және комада өткен 221 күн

Жекпе-жектен кейін бірден киіну бөлмесінде Колонның басы айналып, құсып, есінен танып қалды. Дәрігерлер кең көлемді субдуральды гематома диагнозын қойды. Оған шұғыл түрде гемикраниэктомия жасалды - мидағы қысымды төмендету үшін бассүйегінің бір бөлігі алып тасталды.

Шұғыл отадан кейін Причард Колон 221 күн комада жатты. Ол ақыры көзін ашқанда, мидың ауыр зақымдануы қайтымсыз болды. Ол қалған 11 жылға жуық уақытында тіпті қарапайым іс-қимылдарды жасай алмайтын күйге түсті.

🕊️🇵🇷 Пуэрто-рикалық бокстың бұрынғы үміті Причард Колон осы бейсенбіде 33 жасында дүниеден озды. 2015 жылдың қазанында Террел Уильямспен өткен жекпе-жектен кейін миына қан құйылып, ол 221 күн комада жатты және алған жарақаттарынан ешқашан айыға алмады… pic.twitter.com/otVv05askG
- RMC Sport (@RMCsport) 13 тамыз, 2026 жыл

Талқандалған тағдыр

Отадан кейін Причард Колон ешқашан бұрынғы қалпына келмеді. Болашағы жарқын, жас әрі өршіл боксшы жақындарының күтіміне толықтай тәуелді болып қалды. Ол жүре алмады, қимылдау және сөйлеу қабілетінен айырылды.

5. Бокс тарихындағы ең қайғылы оқиға, оның есімі - Причард Колон. pic.twitter.com/jKEqHjCeWh
- Earth_Wanderer (@earth_tracker) 2025 жылғы 31 тамыз

Боксшының отбасы оны тәулік бойы күтуді өз мойнына алды. Колонды оңалту орталықтарына тасымалдап, физиотерапиямен айналысты, компьютер арқылы қарым-қатынас орнатуға тырысты.

Кейде жақындарының дауысына реакция білдірген сәттері болды, бірақ толық сауығып кете алмады. Ол вегетативті күйде қала берді.

💔 БОКС ӘЛЕМІ ҮШІН ҚАЙҒЫЛЫ ХАБАР.

Бүгін біз он жылдан астам уақыт бойы рингтегідей емес, мүлдем басқаша өмір үшін күрес жүргізген жас экс-боксшы Причард Колонмен қоштасамыз.

Ол небәрі 33 жаста еді.

Оның тағдыры сол жекпе-жектен кейін өзгере бастады…pic.twitter.com/QbqoXTUrXq
- Aura Sabia (@AuraSabiaxX) 13 тамыз, 2026 жыл

Боксшының отбасы жекпе-жекті уақытында тоқтатпағаны үшін спорт дәрігері мен промоутерлерге қарсы 50 миллион доллардан аса сомаға талап арыз түсірді. Іс сотқа дейін жетпеді. Сонымен қатар, Колон желкеден соққы жасау қаншалықты қауіпті екенін көрсететін мысалға айналды. Осы жағдайдан кейін бокстағы ережелер қатаңдатылды.

Жатқан жерің жайлы болсын, Причард Колон (1992-2026)🥲

«Баршаңызға қайырлы таң. Ұлым Причардтың бұл дүниеден өткенін қайғыра хабарлаймын. Ол қазір жақсы жақта» - Ричард Колон#boxing #спорт #жекпежек pic.twitter.com/oa85eqP4Gq
- Legionnaire Combat Sports (@Legionnairecsn) 13 тамыз, 2026 жыл

Причард Колон ережесі

Желкеге және бассүйектің негізіне соққы жасауға бұрын да тыйым салынған болатын, өйткені олар ми тірегі мен мойын омыртқа бөлігін зақымдау қаупін тудырады. Алайда іс жүзінде реферилер бұл соққыларға жиі кешіріммен қарайтын. Дәл осы Колонның жағдайы қатаң тәртіптің орнауына себеп болды.

2016 жылы Бүкіләлемдік бокс кеңесі (WBC) боксшының құрметіне аталған арнайы ереже енгізді. Ол ұйым аясындағы жекпе-жектерде мұндай соққыларға мүлдем төзбеу саясатын бекітті.

Ережеге сәйкес, рефери киім ауыстыратын бөлмеде нұсқаулық кезінде екі боксшыға да желке мен шүйде тұсына кез келген соққы жасауға тыйым салынатынын ескертуге міндетті. Егер жекпе-жек кезінде мұндай соққы жасалса, рефери кездесуді дереу тоқтатып, алғашқы ескерту жасауға құқылы.

Мұндай соққылар жалғаса берсе немесе қарымта ереже бұзу анықталса, төреші дереу араласып, қатаң ескерту жасауы, бір немесе екі ұпайдан айыруы, ал қайталанған немесе қасақана ережебұзушылықтар кезінде - тәртіп бұзушыны шеттетуі (дисквалификациялауы) тиіс.

Бокс әлемі Причард Колонның қазасына қайғырады. 🕊️🥊

Күш-жігерімен көпшілікті шабыттандырған нағыз жауынгер. Оның отбасына, достары мен жақындарына қайғырып көңіл айтамыз.
Descansa en Paz, Campeón. 🙏 pic.twitter.com/Q54dPROxQc
- DAZN Boxing (@DAZNBoxing) 13 тамыз, 2026 жыл

Причард Колонның хикаясы - бұл жай ғана бір талантты боксшының трагедиясы емес. Бұл шаршы алаңдағы шоудың құны қандай болатынын еске салатын жағдай. Бір атышулы жекпе-жек, бірнеше тыйым салынған соққы және төрешілердің қателігі адамның мансабын, тіпті бүкіл өмірін тас-талқан етті.

Колон 33 жасында, өз әлеуетін толық көрсете алмай дүниеден озды. Бірақ оның есімі бокс әлеміндегі ең үлкен қасірет ретінде тарихта мәңгі қалады.

>Причард Колон болыңыз
>23 жастағы пуэрто-риколық боксшы
>16-0, 13 нокаут
>бокс үміті
>Фэрфакстегі шаршы алаңға шығады, Вирджиния
>17 қазан 2015 жыл
>Террел Уильямсқа қарсы

>жекпе-жек жақсы басталады
>сіз алдасыз
>бірақ қарсылас шүйдеден ұра бастайды
>тыйым салынған соққы… pic.twitter.com/eqeSJSIQ81
- Nordestino (@merdestinoincel) 13 тамыз, 2026 жыл

Мессидің әкесінің қазасы: желіде жерлеу рәсімінде түсірілген кадрлар тарады

боксшы Қаза Қайғылы оқиға