“Ең танымал спорт түрі емес“: Трамп 2026 жылғы Әлем чемпионатының рекордын жариялады

Фото: thenews2.com/depositphotos.com

АҚШ президенті Дональд Трамп АҚШ, Мексика және Канадада өтіп жатқан футболдан Әлем чемпионаты көрермен саны бойынша рекорд жаңартып жатқанын мәлімдеді, деп хабарлайды Tengri Sport.

АҚШ президенті Дональд Трамп АҚШ, Мексика және Канадада өтіп жатқан футболдан Әлем чемпионаты көрермен саны бойынша рекорд жаңартып жатқанын мәлімдеді, деп хабарлайды Tengri Sport.

Құрама Штаттар басшысының айтуынша, бұл мундиалдың тарихтағы ең үздік турнир атануға мүмкіндігі бар.

"Өздеріңізге мәлім, кейінгі бірнеше апта бойы Америкада 2026 жылғы футболдан Әлем чемпионаты үлкен табыспен өтіп жатыр. Турнир көрермен саны мен телевизиялық рейтингтер бойынша барлық рекордты жаңартып жатыр. Мұндай нәтиже болады деп кім ойлаған? Футбол біздің елде ең танымал спорт түрі болмаса да, мұның бәрі көз алдымызда болып жатыр. Мен досым, ФИФА президенті Джанни Инфантиноны құттықтағым келеді.

Онымен жұмыс істеу өте жағымды және ол дән риза. Барлық көрсеткіш бойынша рекорд орнатылып жатыр - бұл күн сайын Супербоул өткізгенмен тең. Менімен бірге бәрі ертең Түркияға қарсы ойнайтын АҚШ құрамасына сәттілік тілейтініне сенімдімін. Олар тамаша нәтиже көрсетіп жүр", - деді Трамп.

Айта кетейік, Әлем чемпионатындағы матчтердің жартысынан астамы өтті - 104 ойынның 54-і аяқталды. АҚШ құрамасы топтық кезеңнен мерзімінен бұрын шығып, 1/16 финалда ойнайды.

.@POTUS: "As you know, over the past few weeks, America has been proudly hosting the 2026 FIFA World Cup—and it’s setting attendance records and television ratings records like never before... I know everyone joins me in wishing Team USA good luck in their match tomorrow against… pic.twitter.com/6Fi6SpBxqq
— Rapid Response 47 (@RapidResponse47) June 25, 2026

2026 жылғы ӘЧ-ге келушілер саны расында рекорд па?

ФИФА жариялаған ашық деректерге сүйенсек, қазіргі уақытта көрермендердің орташа келу көрсеткіші 64,7 мың адам болып отыр. Бұл көрсеткіш бойынша рекорд 1994 жылы АҚШ-та өткен турнирге тиесілі (68 мың адам) және бұл жолы жаңаруы әбден мүмкін.

Турнирдің алғашқы 44 ойынына 2 миллион 850 мың адам барды, ал алдыңғы турнирде жанкүйерлер саны 3,4 миллион болған еді.

Еске сала кетейік, футболдан Әлем чемпионаты АҚШ, Мексика және Канадада 11 маусым мен 20 шілде аралығында өтеді. Бұл турнир тарихта алғаш рет 48 команданың қатысуымен ұйымдастырылып отыр.