“Ештеңеге өкінбейміз“: Англия бапкері Әлем чемпионатындағы жеңілісі туралы пікір білдірді

Англия құрамасы 85-минутқа дейін есепте алда тұрғанымен, екінші таймның соңында екі гол жіберіп алып, жеңісті қолдан шығарып алды.

"Жеңілістен соң менің шешімдерім қате болды деп айту оңай. Бүгін біз ең үздік ойындарымыздың бірін өткіздік. Бәлкім, ең жақсысы болар. Еш өкінбейміз", - деді Томас Тухель.

Айта кетейік, гол соғылғаннан кейін неміс маманы гол авторы, вингер Энтони Гордонның орнына қосымша қорғаушы Эзри Консаны шығарып, 5 қорғаушымен ойнау жүйесіне көшкен болатын.

"Жеңілістен кейін бәрін жақсырақ білетін миллиондаған жаттықтырушы табылады. Мәселе тактикалық схемада емес еді. Тек ойын барысы түбегейлі өзгеріп кетті. Шешімді мен қабылдаймын", - деп толықтырды ағылшындардың бапкері.

Англия құрамасы турнирдегі соңғы матчін Францияға қарсы өткізеді. Командалар 2026 жылғы мундиальдың үшінші орны мен қола жүлдесі үшін таласады.

Кездесу шілденің 18-нен 19-на қараған түні Қазақстан уақытымен сағат 02:00-де басталады.

Жеңістен кейін Аргентина құрамасының капитаны Лионель Месси әлем чемпионатының жартылай финалындағы Англияға қарсы матчтің қорытындысы туралы пікір білдірді.