+7 (777) 001 44
99
Футболдан Франция құрамасының бас бапкері Дидье Дешам Әлем чемпионатындағы жеңістер саны бойынша айрықша рекорд иесі атанды, деп хабарлайды Tengri Sport.
Дидье Дешам жеңістер саны бойынша футболдан Әлем чемпионаты тарихындағы ең табысты бапкер атанды.
2026 жылғы Әлем чемпионатының 1/16 финалдық кезеңінде Франция құрамасы Швецияны 3:0 есебімен ойсырата жеңді. Бұл жеңіс француз маманы үшін әлем біріншіліктеріндегі 17-жеңіс болды.
Дидье Дешам тарихтағы кез келген бас бапкерге қарағанда ең көп жеңіске қол жеткізді #FIFAWorldCup тарихында 🇫🇷 pic.twitter.com/rQhI93poLB
— FIFA World Cup (@FIFAWorldCup) Шілде 1, 2026
Осылайша, 57 жастағы Дешам 50 жылға жуық уақыт бойы 16 жеңіспен рекорд орнатып келген аты аңызға айналған неміс бапкері Хельмут Шёнді басып озды. Бұл тізімдегі үшінші орынды 14 жеңісі бар бразилиялық Луис Фелипе Сколари иеленіп тұр.
Дидье Дешам турнир тарихындағы басқа бапкерлерге қарағанда ФИФА әлем чемпионатының көп матчында жеңіске жетті 🇫🇷👏#FifaWorldCup pic.twitter.com/CSOvTplnwc
— Match of the Day (@BBCMOTD) June 30, 2026
Естеріңізге сала кетейік, Франция құрамасы 2026 жылғы Әлем чемпионатынан Швеция командасын ірі есеппен шығарып жіберді. Голдарды вингер Брэдли Баркола (53') мен шабуылшы Килиан Мбаппе (45', 74') соқты. Кездесудің қорытынды есебі – 3:0.
Instagram-дағы бұл жарияланымды көру
Бұл жеңіс Франция құрамасын 2026 жылғы Әлем чемпионатының 1/8 финалына алып шықты. Ширек финалға жолдама беретін матчте команда 4 шілдеде Парагвай құрамасымен кездеседі.
Instagram-дағы бұл жарияланымды көру
Франция бапкері үшін соңғы ӘЧ
Дешам үшін 2026 жылғы әлем біріншілігі Франция құрамасының бас бапкері ретінде соңғы турнир. Ол "үш түстілерді" 2012 жылдан бері басқарып келеді және команданы 2018 жылы Әлем чемпионы атағына, ал 2022 жылы күміс жүлдеге жеткізді. Ойыншы ретінде ол 1998 жылы әлем чемпионы атанып, басты кубокті футболшы, әрі бапкер ретінде жеңіп алған мамандардың шағын тобына қосылды.
Instagram-дағы бұл жарияланымды көру
Германия құрамасының жаттықтырушысы ӘЧ-дегі сенсациядан кейін отставкаға кету туралы пікір білдірді
Әлем чемпионатындағы Мбаппенің дублі Францияға тарихи рекорд сыйлады
