Хабиб 200 миллион доллар үшін ММА-ға оралуы мүмкін бе? Файтердің өзі жауап берді

Сурет: instagram.com/khabib_nurmagomedovСурет: instagram.com/khabib_nurmagomedov

UFC-дің жеңіл салмақтағы бұрынғы чемпионы Хабиб Нурмагомедов Джейк Полдың 200 миллион доллар үшін аралас жекпе-жекке оралу туралы ұсынысына жауап берді, деп хабарлайды Tengri Sport.

Кездесу PFL турнирлерінің бірінің сахна сыртында өткен. Бизнестегі серіктесімен бірге MVP MMA жобасын (PFL-мен біріккеннен кейін) дамытып жатқан Пол Нурмагомедовке аралас жекпе-жекке оралу туралы ұсыныс тастаған. Блогер әрі боксшы ММА аңызына 200 миллион доллар (88,8 миллиард теңге) ұсынды.

- Қашан ораласыз? 200 миллион долларға ма?

- Не үшін оралуым керек? Дәлелдейтін ештеңе қалмады. Қарсылас жоқ, ақша ғана бар. Бұл мені ынталандырмайды, - деп жауап берді Хабиб.

Хабиб Нурмагомедов - ММА аңызы

Хабиб Нурмагомедов - спорт тарихындағы ең атақты аралас жекпе-жек шеберлерінің бірі.

Ол 2018 жылы сәуірде UFC 223 турнирінде америкалық Эл Яквинтаны жеңіп, UFC чемпионы атанды. Осыдан кейін ол Конор Макгрегор, Дастин Порье және Джастин Гейджиге қарсы 3 сәтті қорғаныш жекпе-жегін өткізді. Кейін мансабын аяқтап, 29-0 есебімен еш жеңілместен кетті.

Бұған оның әкесі Абдулманап Нурмагомедов өмірден өтуі себеп болды. Файтер әкесі дүниеден өткен соң әрі қарай өнер көрсетудің мәні жоқ екенін және жақындарымен мүмкіндігінше көбірек уақыт өткізгісі келетінін мәлімдеді.

Instagram-дағы бұл жарияланымды көру

Хабиб Нурмагомедовтің жарияланымы (@khabib_nurmagomedov)

"Адам өлтіруге оқталу": UFC-дің экс-чемпионы ағайынды Нурмагомедовтердің шабуылына қатысты мән-жайды айтты