Кездесу PFL турнирлерінің бірінің сахна сыртында өткен. Бизнестегі серіктесімен бірге MVP MMA жобасын (PFL-мен біріккеннен кейін) дамытып жатқан Пол Нурмагомедовке аралас жекпе-жекке оралу туралы ұсыныс тастаған. Блогер әрі боксшы ММА аңызына 200 миллион доллар (88,8 миллиард теңге) ұсынды.
- Қашан ораласыз? 200 миллион долларға ма?
- Не үшін оралуым керек? Дәлелдейтін ештеңе қалмады. Қарсылас жоқ, ақша ғана бар. Бұл мені ынталандырмайды, - деп жауап берді Хабиб.
Джейк Пол Хабибке спортқа оралуы үшін 200 миллион доллар ұсынып көрді 💀 🗣️ Джейк: «Қашан ораласыз? 200 миллион доллар?» 🗣️ Хабиб: «Мен не үшін оралуым керек? Дәлелдейтін ештеңе жоқ. Қарсылас жоқ, тек ақша ғана. Бұл маған мотивация бермейді». (via @jakepaul) https://t.co/VD4DtlLaXl
— Championship Rounds (@ChampRDS)18 қараша, 2026 жыл
Хабиб Нурмагомедов - ММА аңызы
Хабиб Нурмагомедов - спорт тарихындағы ең атақты аралас жекпе-жек шеберлерінің бірі.
Ол 2018 жылы сәуірде UFC 223 турнирінде америкалық Эл Яквинтаны жеңіп, UFC чемпионы атанды. Осыдан кейін ол Конор Макгрегор, Дастин Порье және Джастин Гейджиге қарсы 3 сәтті қорғаныш жекпе-жегін өткізді. Кейін мансабын аяқтап, 29-0 есебімен еш жеңілместен кетті.
Бұған оның әкесі Абдулманап Нурмагомедов өмірден өтуі себеп болды. Файтер әкесі дүниеден өткен соң әрі қарай өнер көрсетудің мәні жоқ екенін және жақындарымен мүмкіндігінше көбірек уақыт өткізгісі келетінін мәлімдеді.