Испания - Франция: Ямаль мен Мбаппенің ӘЧ жартылай финалындағы текетіресі туралы не белгілі?

Фото: depositphotos.com

Бүгін, 15 шілдеге қараған түні, Франция мен Испания құрамалары Әлем чемпионатының жартылай финалында ойнайды. Tengri Sport матч туралы ең маңызды ақпарат пен Қазақстандағы көрсетілімі жайлы баяндайды.

Бұл ойын испандар 2:1 есебімен жеңіске жеткен Еуро-2024 жартылай финалының ремейкі болмақ. Франция есе қайтаруға және өз тарихында үшінші рет мундиаль чемпионы атану жолында тағы бір қадам жасауға тырысады.

Жеңілмегендер дербиі

Қос команда да турнирде бірде-бір рет жеңілмей, тамаша өнер көрсетіп келеді. Испандар Кабо-Верде командасымен ойында ұпай жоғалтқанымен (0:0), кейін 11:1 жалпы есебімен қатарынан бес матчте жеңіске жетті.

Француздарға келетін болсақ, олар турнирдегі барлық матчте жеңіске жетті, ал олардың көшбасшысы Килиан Мбаппе сұрмергендер бәйгесінде алға шықты.

Франция - Испания: кездесулер тарихы

Қазіргі уақытта өзара кездесулер бойынша испандар басым түсіп тұр - 18 де 13.

Бұл ретте испандар кейінгі екі ойында, соның ішінде Еуро-24 жартылай финалы мен Ұлттар лигасы жартылай финалында жеңіске жетті. Француздар кейінгі рет 2021 жылғы Ұлттар лигасы финалында басым түскен болатын.

Дегенмен, командалардың Әлем чемпионатындағы кейінгі кездесуі француздардың пайдасына аяқталды - 2006 жылы олар 1/8 финалда 3:1 есебімен жеңіп, күміс жүлдеге дейін жеткен еді.

Ямаль Мбаппеге қарсы: ӘЧ-дегі Эль-Класико

Испания мен Франция сапында өнер көрсететін "Барселона" мен мадридтік "Реал" көшбасшыларының текетіресі матчке ерекше қызығушылық тудырып отыр.

Ламин Ямаль ойын қарсаңында бұл оның мансабындағы ең маңызды матч екенін айтты, ал Килиан Мбаппе Әлем чемпионаты тарихындағы үздік сұрмерген мәртебесі үшін күресін жалғастырып жатыр - Мессиге жету үшін небәрі бір гол қалды.

Instagram-дағы бұл жарияланымды көру

Kylian Mbappé (@k.mbappe) жариялаған жазба

Қазір Мбаппе мен Ямаль текетіресінде испандықтың басымдығы байқалады — 2023/2024 жылғы Чемпиондар лигасы 1/4 финалындағы "Барселонаның" "ПСЖ-дан" басым түсуінен бастап, 2026 жылғы қаңтардағы Испания Суперкубогі финалына дейінгі (3:2 есебімен "Барселона" жеңді) 10 матчтің сегізінде ол жеңіске жеткен.