Қазақша
Русский
Испания құрамасы Әлем чемпионатындағы жеңісінен кейін бірегей жетістіктерімен көзге түсіп, Гиннестің рекордтар кітабына енді, деп хабарлайды Tengri Sport.
Гиннес рекордтар кітабының баспасөз қызметі Испания футбол құрамасының жетістіктерін атап өтті.
"Қызыл фурия" 2026 жылғы Әлем чемпионатында 3 ерекше рекорд орнатты:
- Әлем чемпионаты жеңімпаздары арасында ең аз гол жіберу – 1 гол;
- ерлер арасында халықаралық матчтердегі ең ұзақ жеңіліссіз серия – 38 матч;
- Әлем чемпионатындағы "құрғақ" матчтер саны бойынша рекорд – 7 матч.
Еске сала кетейік, бұған дейін Испания құрамасы 2026 жылғы Әлем чемпионатының 1/8 финалында Португалиямен матчтен кейін Гиннес рекордтар кітабына енген болатын. Олар Әлем чемпионаттары тарихындағы "құрғақ" серияның ұзақтығы бойынша рекордты жаңартты.
Бұған дейінгі рекорд Швейцарияға тиесілі болатын (559 минут).
Испания құрамасы - футболдан әлем чемпионы
Айта кетейік, Испания құрамасы 2026 жылғы Әлем чемпионаты финалында Аргентина ұлттық құрамасын жеңді. Тартысты кездесуде негізгі уақытта есеп ашылмай, жартылай қорғаушы Энцо Фернандес алаңнан қуылғаннан кейін ойын овертаймға ұласты.
Дегенмен 106-минутта испаниялықтар алға шықты. Ферран Торрес Нико Уильямстың пасынан кейін шабуылды сәтті аяқтап, кездесудің алғашқы голын соқты. Аргентина есепті теңестіруге барын салғанымен, гол соға алмады, осылайша матч аяқталды.
Кездесудің қорытынды есебі - 1:0, Испанияның пайдасына.
Бұған дейін Португалия құрамасының жұлдызды шабуылшысы Криштиану Роналду тарихта алғаш рет 6 Әлем чемпионатында гол соғып, Гиннестің ерекше рекордын орнатқан еді.
+7 (777) 001 44 99
