+7 (777) 001 44
99
Аргентина футболының аңызы Лионель Месси әлем чемпионаты тарихындағы үздік сұрмерген атанып, Гиннестің рекордтар кітабына енді, деп хабарлайды Tengri Sport.
Аргентина құрамасының әйгілі шабуылшысы Лионель Месси таңғажайып рекорд орнатты.
Ол әлем чемпионатында 18 гол соғып, немістің атақты форварды Мирослав Клозенің (16 гол) көрсеткішінен асып түсіп, турнир тарихындағы ең үздік сұрмерген атанды.
Гиннестің рекордтар кітабы аргентиналық футболшының тағы бір жетістігін атап өтті.
Лионель Месси әлем чемпионатында қатарынан гол соққан матчтер саны бойынша рекордты теңестірді: 6 матч.
Instagram-дағы бұл жарияланымды көру
Мессидің тарихи дублі
Еске сала кетейік, аргентиналық жұлдыз бұл рекордты өз командасының Австрия құрамасына қарсы ойынында орнатты.
38-минутта командасы әдемі комбинация ұйымдастырған сәтте аргентиналық шабуылшы есеп ашып, әлем чемпионаттарындағы өзінің 17-ші добын соқты. Бұл голдың өзі Мессиді рекордшы атандырды, бірақ ол мұнымен тоқтап қалған жоқ.
Матчтың соңына қарай, 90+5-минутта Месси айып алаңында допты қағып алып, дәл соққы бағыттап, дубль жасады. Аргентиналық футболшы әлем чемпионаттарындағы 18-ші голын соғып, рекордты жаңартты.
Instagram-дағы бұл жарияланымды көру
Айта кетейік, жеңістен кейін Аргентина алты ұпай жинап, плей-офф кезеңіне шығу мүмкіндігін қамтамасыз етті. Австрияда үш ұпай бар. Ал Иордания мен Алжир бұл топта әзірге ұпайсыз келеді.
Топтық кезеңнің соңғы турында 28 маусымда Аргентина Иорданиямен, ал Австрия сол күні Алжирмен кездеседі.
Instagram-дағы бұл жарияланымды көру
Әлем чемпионатындағы Франция - Ирак матчі найзағай салдарынан 4 сағатқа жуық созылды
Ал норвегиялық форвард Эрлинг Холандтың дублі оның командасына әлем чемпионатында Сенегал құрамасына қарсы өткен матчта жеңіс сыйлады.
