+7 (777) 001 44
99
23 маусымға қараған түні Норвегия құрамасы 2026 жылғы футболдан әлем чемпионатының I тобындағы екінші тур матчінде Сенегал командасын жеңді, деп хабарлайды Tengri Sport.
Матч "Метлайф" стадионында (Нью-Джерси, АҚШ) өтті.
Еске сала кетейік, бірінші турда норвегиялықтар Иракты жеңсе, сенегалдықтар Францияға есе жіберген болатын.
Матч барысы
Есеп бірінші таймның соңында, 43-минутта ашылды. Норвегиялық қорғаушы Маркус Педерсен сенегалдықтардың өрескел қателігін сәтті пайдаланып, қақпаға дәл соққы бағыттады.
Екінші таймның басында, 48-минутта, Эрлинг Холанд Норвегияның басымдығын еселей түсті. Скандинавиялықтар қарымта шабуылға шығып, жартылай қорғаушы жұлдызды форвардқа өткір пас шығарды, ал ол мүмкіндікті мүлт жібермеді.
Алайда 5 минуттан соң Сенегал бір гол қайтарды: африкалық команда әдемі комбинация ұйымдастырып, Исмаила Сарр норвегиялық қақпашыдан айласын асырды.
58-минутта Норвегия тағы да екі доп айырмасымен алға шықты. Сенегалдықтардың айып алаңындағы аласапыраннан кейін шабуылды Холанд түйіндеп, дубль авторы атанды.
Instagram-дағы бұл жарияланымды көру
Қосымша уақытта, 90+3-минутта, африкалықтар тағы бір гол соқты. Қапталдан асырылған допты Исмаила Сарр қақпаға бағыттап, ол да өз еншісіне дубль жазды.
Матчтің қорытынды есебі - 3:2, Норвегия құрамасы жеңіске жетті.
Instagram-дағы бұл жарияланымды көру
Осы жеңістің арқасында Норвегия 1/16 финалға жолдаманы қамтамасыз етті. Топтық кезеңнің шешуші ойынында олар Франциямен бірінші орын үшін таласады. Кездесу 26-нан 27 маусымға қараған түні Қазақстан уақытымен сағат 00:00-де өтеді.
