+7 (777) 001 44
99
Канадалық футболшы Исмаэль Коне футболдан Әлем чемпионатында Қатарға қарсы матч кезінде ауыр жарақат алды. Футболшы қалған ойындарға қатыса алмайды, әлеуметтік желілерде оған жүздеген адам қолдау білдіріп жатыр, деп хабарлайды Tengri Sport.
Оқиға топтық кезеңдегі матчтің 53-минутында, есеп канадалықтардың пайдасына 3:0 болып тұрғанда тіркелді.
Мадибо Конеге қарсы дөрекі ойнап, ол өзінің ауыр жарақат алғанын бірден түсінді. Коненің кездесуді жалғастыра алмайтынын сезінген сәті түсірілген кадрлар бүкіл әлемге тарап кетті.
Канадалық ойыншы Исмаэль Коненің бүгін таңертең өткен Әлем чемпионатының В тобындағы ойында Катар ойыншысы Ассим Омер Мадибоның соққысынан кейін аяғы сынған сәті...
— ferizandra (@ferizandra) 19 маусым, 2026 жыл
Бұл дөрекі ереже бұзушылық Мадибоның алаңнан қуылғанымен (қызыл қағаз) аяқталды... ал Канаданың үздік ойыншыларының бірі Коне үшін турнир аяқталғаны анық...pic.twitter.com/nxMAwJiVaA
Канада құрамасының бапкері Джесси Марш Коненің сүйегі сынған дыбыс бүкіл стадионға естілгенін айтты, алайда ол болған жағдайға қатарлық ойыншыны кінәламайды.
"Коненің сүйектері сықырлағанын бәрі естіді. Бірақ мен жарақат салғаны үшін ойыншыны айыптамаймын. Дегенмен, қызыл қағазға наразылық білдірмек болған Қатар қосалқы құрамының реакциясын түсінбедім. Өйткені бұл жерде анық ереже бұзылды, соның салдарынан ойыншының аяғы сынды", - деді тәлімгер баспасөз мәслихатында.
Еске сала кетейік, тәртіп бұзғаны үшін төреші Мадибоға қызыл қағаз көрсетті, ал матч қорытындысы бойынша Канада 6:0 есебімен ойсырата жеңіске жетті.
Инсайдер Фабрицио Романо ойыннан кейін Коне кем дегенде жарты жылға қатардан шыққанын мәлімдеді. Сонымен қатар журналист қатарлық ойыншы жасаған әрекеті үшін кешірім сұрағанын айтты.
"Канадалық жартылай қорғаушы Исмаэль Коненің кіші және үлкен жілік сүйектері сынған. Қазір ол анасы Сюзаннамен бірге ауруханада, анасы оған ота алдында қолдау көрсетіп жатыр. Коне 4–5 айға ойыннан шеттетілуі мүмкін, ол үшін Әлем чемпионаты аяқталды. Мадибо кешірім сұрау үшін киім ауыстыратын бөлмеге барды", - деді Романо.
🚨🇨🇦 Канада құрамасының жартылай қорғанысшысы Исмаэль Коненің кіші және үлкен жілік сүйектері сынғаны белгілі болды.
— Fabrizio Romano (@FabrizioRomano) 19 маусым, 2026 жыл
Қазір ол ауруханада, анасы Сюзанна ота алдында оның қасында.
Коне 4-5 айға саптан шығуы мүмкін, Әлем чемпионаты ол үшін бітті.
Мадибо киім ауыстыру бөлмесіне барып, кешірім сұрады.pic.twitter.com/6ZcfzlmpXN
Әлеуметтік желілерде оқиғаға қатысты екі ойыншыға да қолдау білдіріп жатыр
Мұндай оқиғалардан кейін қарсыласына жарақат келтірген ойыншы көбіне жанкүйерлер тарапынан хейтке ұшырайды. Бірақ Мадибо мұндайдан аман қалған сияқты.
"Мұндай жоғары деңгейдегі ойындарда жазатайым оқиғалар болып тұрады! Еңсеңді түсірме!";
"Сабыр ет, бұл сенің кінәң емес... Бәрі жақсы болады";
"Канададан сізге сәлем! Өкінішке қарай, мұндай жағдайлар кейде болып тұрады! Өзіңізді күтіңіз!";
"Мен канадалықпын және айтарым: жарақаттар болып тұрады. Біз мұны әдейі жасамағаныңызды көрдік. Жек көрушілерге мән бермеңіз", - деп жазды әлеуметтік желіде футболшыны қолдаушылар.
Жарақат алған ойыншының өзіне де қарапайым жанкүйерлер мен бұрынғы ойыншылар тарапынан үлкен қолдау көрсетілді.
"Сенің тезірек сауығып кетуіңе тілектеспін", - деп жазды жанкүйерлердің бірі.
"Сізге тез сауығып, алаңға мықты болып оралуыңызды тілеймін. Сіз талантты ойыншысыз және біз сіздің бұрынғыдан да жақсырақ болып оралғаныңызды асыға күтеміз";
"Бұл футболды сүйетіндердің барлығы үшін жүректі ауыртқан көрініс, бірақ сәтсіздіктер ұлы ойыншыларды анықтамайды - олардың бұған қалай жауап беретіні маңызды. Сен Әлем кубогінде тамаша өнер көрсетіп, неге сонша көп адам сенің талантыңа және болашағыңа сенетінін дәлелдедің. Сенің шеберлігің, табандылығың мен мінезің бәріне үлгі болды", - деп жазды басқалары.
"Тезірек сауығып кет, бауырым", - деп қолдау білдірді Канада құрамасының бұрынғы ойыншысы Атиба Хатчинсон.
Instagram-дағы бұл жарияланымды көру
Ойыншының өзі әзірге жарақаты туралы ештеңе айтқан жоқ, ол қазір ауруханада отаны күтіп жатыр. Канада құрамасына топтық кезеңде әлі бір матч өткізу керек - олар швейцариялықтармен ойнайды және плей-оффқа шығу мүмкіндігі өте жоғары.
14 гол және ойыннан қуылған үш ойыншы: Әлем чемпионатындағы кезекті ойын күні қалай өтті?
