Канада Иран футбол федерациясының басшысын ФИФА конгресіне жібермеді

Фото: AleksTaurus/depositphotos.com

Канаданың иммиграциялық билігі Иран футбол федерациясының басшысы Мехди Таджды елге кіргізбеді, - деп хабарлайды Tengri Sport тілшісі Tasnim мәліметіне сілтеме жасап.

Канаданың иммиграциялық билігі Иран футбол федерациясының басшысы Мехди Таджды елге кіргізбеді, - деп хабарлайды Tengri Sport тілшісі Tasnim мәліметіне сілтеме жасап.

Дереккөз мәліметінше, Иран делегациясы Канадаға жарамды визалары және уақытша тұруға рұқсат қағаздарымен барған.

Алайда шекаралық бақылаудан өткеннен кейін билік оны және Иранның өзге де спорт шенеуніктерін жақын арадағы рейспен кері қайтарған.

Иран тарапы Канада иммиграциялық офицерлерінің бұл әрекетін "орынсыз қылық" және "қорлық" деп сипаттады.

Канада ФИФА конгресі үшін Иран өкілінің кіруіне тыйым салды

Канаданың сыртқы істер министрі Анита Ананд сәрсенбіде Ванкуверде өтетін ФИФА конгресі қарсаңында ирандық футбол шенеуніктерінің елге кіруіне тыйым салынғанын мәлімдеді… https://t.co/WUT0bzK37s
- ESPN Soccer (@ESPNsoccer) 2026 жылғы 30 сәуір

Дегенмен кейбір дереккөздер бұл шешімді Мехди Тадждың өткенімен байланыстырады.

Iran International ақпаратына сәйкес, ол бұған дейін Ислам революциясының сақшылар корпусында (ИРСК) басшылық лауазымдарда болған. Канада бұл ұйымды 2024 жылдан бастап ресми түрде террористік ұйымдар тізіміне енгізген.

Iran International-ге мәлімдеме жасаған үкіметтік дереккөздің айтуынша, Ислам революциясының сақшылар корпусының бұрынғы командирі болған Иран футбол басшысы Мехди Тадж қонғаннан кейін бірнеше сағат өткен соң Канададан кері қайтарылды.https://t.co/be6EbMRoGk pic.twitter.com/1eSIxAf5tN
- Iran International English (@IranIntl_En) 2026 жылғы 29 сәуір

ФИФА-ның Иран бойынша ұстанымы

Еске салайық, ФИФА президенті Джанни Инфантино Таяу Шығыстағы жағдайға қарамастан, Иран құрамасы әлемдік додаға қатысуы тиіс деп мәлімдеген болатын.

Халықаралық футбол федерациясы басшысының айтуынша, ирандық футболшылар турнирде өнер көрсетуге дайын.

"Иран командасы келеді, бұл анық. Ешқандай өзгеріс болмайды. Ол уақытқа дейін жағдай тұрақталады деп үміттенеміз. Бұған дейін айтқанымдай, бұл көмектесуі мүмкін. Бірақ ирандықтар келуі керек. Олар өз халқының атынан шығады. Олар іріктеуден өтті. Ойыншылар ойнағысы келеді. Мен оларға екі апта бұрын Антальядағы оқу-жаттығу жиынына бардым. Олар шынымен ойнауды қалайды. Және олар ойнауы тиіс - олар саясатпен емес, спортпен шұғылдануы керек", - деді Инфантино Invest in America форумында.