+7 (777) 001 44
99
"Эльчеге" қарсы матч алдында мадридтік клуб ойыншылары миграциялық дағдарыс құрбандарына қолдау көрсету мақсатында "Барлығымыз - кабальяспыз (кабальяс - Сеута тұрғындары - еск.)" деген жазуы бар бірдей футболкалармен шықты.
Алайда Мбаппе, Винисиус және Ибраима Конате жазу көрінбеуі үшін футболкаларының жеңін түріп алып алаңға шыққан.
Көптеген жанкүйер бұл әрекетті наразылық ретінде қабылдады.
"Жалпы, Килианды аздап түсінуге болады, бірақ Винисиус... Осының кесірінен "Алтын допты" тапсыру рәсіміне бармай қалғаннан бері бұл жігіт өзін клубтан жоғары ұстайтын болды";
"Тәкаппарлыққа бой алдырған, ақшасы көп, бірақ ешқандай құндылығы жоқ балалар. Оларды "Реалдан" қуу керек, егер клуб шара қолданбаса, бұл ерке балалардың сыбайласына айналады";
"Жанкүйерлер сіздерді маусымның соңына дейін және келісімшарт мерзімі біткенше ысқырып, мазаларыңызды алады деп үміттенемін. Испанияда сіздерге орын жоқ", - деп жазды жанкүйерлер видео астында.
Айта кетейік, ойын 3:2 есебімен "Реалдың" жеңісімен аяқталды, ал Мбаппе гол соғып, нәтижелі пас берді.
Соған қарамастан, жанкүйерлер футболшыны матч бойы ысқырып, келемеждеумен болды.
Konaté, Vinicius et Mbappé c’est gênant 😐. Toujours les madrilènes pic.twitter.com/1SKVJ4gpma
- Mr_Yorlayas🤴🏻🇪🇸🇨🇩 (@Mr_Yorlayas) 2026 жылғы 15 қыркүйек
Сеутада не болды?
Еске сала кетейік, шілдеде Марокко шекарасындағы Испанияның Сеута анклавында кейінгі жылдардағы ең ірі миграциялық дағдарыс болды. Құқық қорғау органдары өкілдерінің бағалауынша, бір күннің ішінде қалаға кемінде 20 мың заңсыз мигрант кірген болуы мүмкін.
Сеутаға жету әрекеті кезінде 57 адам қаза тапты, ал шекарадан өту кезінде кем дегенде тағы тоғыз адам көз жұмды.
Қыркүйекте Испания соты шекараны бұзып өту фактісі бойынша тергеуді бастап, бұған Марокко тарапынан "айқын әрі даусыз жәрдем" көрсетілгенін атап өтті.
Испания Ішкі істер министрлігінің мәліметінше, шекараны заңсыз кесіп өткендердің басым бөлігі Мароккоға өз еркімен оралған.
Мансабын аяқтаған Лионель Месси ұлттық құрамаға оралды
Қазақстан 2028 жылы УЕФА Суперкубогін өткізеді
