Месси мен Мбаппе бәйгесі: ӘЧ 1/8 финалының соңғы матчтерін қайдан көруге болады?

2026 жылғы ӘЧ ширек финалының соңғы қарсыластары екі жұпта анықталады: Аргентина - Мысыр және Швейцария - Колумбия.

Ойындар Қазақстан уақытымен 21:00-де және 01:00-де басталады.

Екі кездесуді де Qazsport телеарнасы, сондай-ақ телеарна сайты тікелей эфирде көрсетеді.

Месси сұрмергендер бәйгесінде алға шыға ма, әлде Роналдудың ізімен қайта ма?

Ойын күнінің алғашқы матчі Аргентина мен Мысыр арасындағы текетірес болмақ. Алаңдағы басты жұлдыздар - "Интер Майамидің" аңызға айналған форварды Лионель Месси мен "Ливерпуль" шабуылшысы Мохаммед Салах.

39 жастағы Месси 1/8 финалдық матчке турнирдің үздік сұрмергендерінің бірі ретінде келіп отыр - оның, Килиан Мбаппе (Франция) мен Эрлинг Холандтың (Норвегия) еншісінде 7 голдан бар. Егер аргентиналық футболшы осы матчте гол соға алса, турнирдің осы кезеңінің қорытындысы бойынша жеке дара бірінші орынға шығады.

Айта кетерлігі, Аргентина 1/16 финалда-ақ мундиальмен қоштаса жаздады - Кабо-Верде құрамасы сенсация жасап, қазіргі әлем чемпиондарымен қосымша уақытқа дейін ойнады.

Мысырлықтар да плей-оффтың алғашқы кезеңінде қосымша уақыт ойнап, Аустралияны пенальти сериясында жеңген болатын.

Аргентина - Мысыр матчі 7 шілдеде Қазақстан уақытымен 21:00-де басталады.

Жеңілмегендер шайқасы: тек біреуі қалады

Швейцария мен Колумбия құрамалары 2026 жылғы Әлем чемпионатында әлі бірде-бір рет жеңілген жоқ. Бұл ретте біріншісі топтық кезеңде турнир иелері канадалықтармен, ал екіншісі мундиаль фавориттерінің бірі португалиялықтармен ойнағанын айта кеткен жөн.

1/16 финалда екі команда да матч барысын толық бақылауда ұстады.

Швейцариялықтар Алжир құрамасы қақпасын қорғайтын Зинедин Зиданның ұлын үйіне қайтарды (2:0). Колумбия Гананы 1:0 есебімен ұтқанымен, кездесуде үлкен басымдыққа ие болды.

Бұл кеште алаңда Бундеслига жұлдыздары: Жоан Манзамби (Швейцария, "Фрайбург") мен Луис Диас (Колумбия, "Бавария") үстемдік құрады.

Сонымен қатар жанкүйерлерге бұрыннан таныс тәжірибелі көшбасшылар да бар - "Боруссия" қақпашысы Грегор Кобель мен "Реалдың" бұрынғы жартылай қорғаушысы Хамес Родригес.

Колумбия - Швейцария матчі 8 шілдеде Қазақстан уақытымен 01:00-де басталады.

Бұған дейін Футболдан әлем чемпионатының 1/4 финалындағы төрт жұптың үшеуі белгілі болды.

Роналдудың бұрынғы бапкері Португалия құрамасына келеді - БАҚ

АҚШ құрамасы жанжалдан кейін өз үйіндегі әлем чемпионатынан шығып қалды