Месси Возиньяға қарсы: ӘЧ 1/16 финалының соңғы матчтерін қайдан көруге болады?

Бүгін, шілденің 4-не қараған түні футболдан Әлем чемпионатының плей-офф кезеңінің алғашқы сатысы аяқталады. Алаңға турнирдің басты сенсацияларының бірі Кабо-Верде құрамасы, сонымен қатар Месси бастаған Аргентина мен Салах бастаған Мысыр құрамалары шығады, деп хабарлайды Tengri Sport.

1/16 финалдың қорытынды матчтерінде Австралия мен Мысыр, Аргентина мен Кабо-Верде және Колумбия мен Гана командалары күш сынасады.

Матчтер Қазақстан уақытымен 23:00-де, 03:00-де және 06:30-да басталады.

Барлық матчтерді Qazsport, сондай-ақ теле-арна сайты тікелей эфирде көрсетеді.

Салах 92 жыл сақталған рекордты қайталауы мүмкін

Ойын күнінің алғашқы матчі Австралия мен Мысыр арасындағы айқас болмақ. Екі команда сапындағы басты жұлдыздар ретінде мысырлықтар "Манчестер Сити" ойыншысы Омар Мармуш пен "Ливерпуль" шабуылшысы Мохаммед Салахты атауға болады.

Мысырлықтар үшін бұл матч – өз құрамасын 1934 жылдан бері алғаш рет 1/8 финалға шығару мүмкіндігі. Айта кетерлігі, сол кезде бұл команданың турнирдегі алғашқы әрі соңғы матчі болатын, содан бері мысырлықтар плей-офф кезеңінде ойнамаған.

Австралия құрамасы үшін де 1/8 финалға шығу – тарихтағы ең үздік нәтиже.

Мысыр – Австралия матчі 3 шілдеде Қазақстан уақытымен 23:00-де басталады.

Месси мен Возинья – турнирдің бір матчтегі басты жұлдыздары

Аргентина – Кабо-Верде ойыны күтпеген жерден 1/16 финалдың ең қызық кездесулерінің біріне айналды.

Бір жағынан, Лионель Месси бұл кездесуде турнирдің және барлық әлем чемпионаттарының үздік сұрмергендері жарысындағы көшбасшылығын нығайта алады. Екінші жағынан, Кабо-Верде сапында бүгінде әлемдегі ең танымал қақпашы ойнайды – Испаниямен болған тең ойыннан кейін 40 жастағы Возиньяның парақшасына 17 миллионнан астам адам жазылған.

Бір түнде бес миллион адам жазылған: Әлем чемпионатындағы сенсациядан кейін қақпашы жұлдызға айналды

“Африкалық Хоттабыч“ ӘЧ-дегі сенсацияны болжады: Возинья Мессиді ойыннан шығарады

Айта кетсек, "африкалық Хоттабыч" турнирде Португалия жеңіске жететінін, ал Месси мен оның командасы Кабо-Вердемен кездесуден кейін ӘЧ-2026-дан шығып қалатынын мәлімдеді.

Матч 4 шілдеде Қазақстан уақытымен 03:00-де басталады.

Африка мен Оңтүстік Американың сенсация жасаған құрамалары өзара кездеседі

Гана мен Колумбия құрамалары топтық кезеңді өте қарқынды өткізді: африкалықтар мықты Англия құрамасын тоқтата алса, оңтүстік америкалықтар Криштиану Роналду бастаған Португалиядан басым түсті.

Енді командалардың бірі турнирмен қоштасады, ал екіншісі Швейцарияға қарсы ойнайды, яғни ширек финалға шығуға мүмкіндік алады.

Матч 4 шілдеде Қазақстан уақытымен 06:30-да өтеді.

ӘЧ-26: Роналдудың голы Португалияға плей-офф кезеңінде Хорватияны жеңуге көмектесті