+7 (777) 001 44
99
Бельгия құрамасының баспасөз қызметі Әлем чемпионатында АҚШ құрамасын жеңгеннен кейін әлеуметтік желідегі парақшасында Лукакудың суретін жариялады. Бельгиялықтар фотоға: "Мұның да күшін жойыңдар", – деп жазды. Мұны америкалық ойыншы Фоларин Балогунға берілген қызыл қағаздың күшін жоюға қатысты даулы жағдайға меңзеу деп түсінуге болады.
Instagram-дағы бұл жарияланымды көру
Бельгия АҚШ-ты Әлем чемпионатынан шығарып жіберді
Еске салайық, Бельгия АҚШ-ты жеңіп, футболдан әлем чемпионатының ширек финалына жолдама алды. Бірінші голды бельгиялықтар сапынан 9-минутта шабуылшы Шарль де Кетеларе соқты.
31-минутта америкалық жартылай қорғаушы Малик Тилльман айып добынан гол соғып есепті теңестіргенімен, небәрі 2 минуттан соң Де Кетеларе өз командасын қайта алға шығарды.
Кейінірек, 57-минутта Ханс Ванакен қақпашыны алдап өтіп, бельгиялықтардың басымдығын арттырса, ойын соңында Ромелу Лукаку есепті ірі нәтижеге жеткізді. Кездесудің қорытынды есебі - 1:4.
Instagram-дағы бұл жарияланымды көру
Шеттету төңірегіндегі дау: егжей-тегжейі
Еске сала кетейік, АҚШ - Бельгия матчінің алдында ФИФА-ның тәртіптік комитеті тарихта тұңғыш рет тыйым салған ойыншының қызыл қағазының күшін жойды.
Бельгиялық БАҚ бұл шешім АҚШ президенті Дональд Трамптың әлемдік футбол басшысы Джанни Инфантиноға телефон соғуынан кейін қабылданғанын алға тартты.
Президент Трамп болса, Truth Social әлеуметтік желісінде америкалық ойыншының шеттетілуін тоқтатқаны үшін ұйымға алғыс айтып, бұл нұсқаны жанама түрде растады. Сонымен қатар Инфантиноның өзі ФИФА-ның тәртіптік комитеті тіпті ұйым басшылығынан да тәуелсіз әрекет ететінін және оның шешімдеріне ықпал етпейтінін атап өтті.
ФИФА президенті Джанни Инфантино:
— FIFA Media (@fifamedia) 6 шілде, 2026 жыл
"Мен ФИФА-ның тәуелсіз Тәртіптік комитетінің Фоларин Балогунның шеттетілуіне қатысты шешімі бойынша жарияланған пікірлерді көрдім және ФИФА-ны басқарудың негізгі қағидасын тағы да қайталап өткім келеді.
"ФИФА-ның сот... pic.twitter.com/FzeWuMQIXf
Кейінірек АҚШ футбол федерациясы Балогунға Босния және Герцеговинаға қарсы матчтегі спорттық емес мінез-құлқы үшін салынған 40 мың долларлық айыппұлдың жартысын төлеуге міндеттеме алғаны белгілі болды.
Айта кетейік, футболдан әлем чемпионаты 11 маусымнан бастап АҚШ, Мексика және Канадада өтіп жатыр. Америка Құрама Штаттарының құрамасы ӘЧ-2026 турнирімен қоштасқан соңғы қожайын команда болды.
Бұған дейін Испания құрамасы Португалияны турнирден шығарып, 1/4 финалға жолдама алған болатын.
