+7 (777) 001 44
99
Еске сала кетейік, 1/16 финалда швейцариялықтар Алжирді (2:0) ұтса, колумбиялықтар Ганадан (1:0) басым түскен болатын.
Матч барысы
Бірінші таймда командалар допқа иелік ету жағынан тең болды – 51 пайызға қарсы 49 пайыз Колумбияның пайдасына.
Колумбиялықтар қарсылас қақпасына 5 соққы (1-еуі нысанаға) бағыттаса, швейцариялықтар 2 соққы (екеуі де нысанаға) жасады, алайда олар нәтиже бермеді.
Екінші таймда Швейцария допқа көбірек иелік етті – Колумбияның 43 пайызына қарсы 57 пайыз. Швейцариялықтар 4 рет соққы жасады (0 нысанаға), ал колумбиялықтар – 2 (1 нысанаға).
Жалпы алғанда, 90 минут ішінде командаларда айқын гол соғатын сәттер болған жоқ, сондай-ақ ойын өрнегі бойынша ешқайсысы бір голға да лайықты әрекет көрсете алмады.
Күтілетін голдар көрсеткіші (xG) Швейцарияда 0.30-ды, ал Колумбияда 0.40-ты құрады.
Екінші таймнан кейінгі есеп - 0:0.
99-минутта колумбиялықтар есеп ашуға мүмкіндік алды: бұрыштамадан асырылған доптан кейін Джон Лусими басымен соққы бағыттап, доп қақпа маңдайшасына тиді.
Қалған уақытта командаларда тағы бірнеше қауіпті сәт болғанымен, есеп ашылмады, осылайша матч пенальти сериясына ұласты.
Қосымша уақыт голсыз аяқталды.
Швейцария - Колумбия пенальти сериясы
Командалар алғашқы мүмкіндіктерін сәтті пайдаланды: Хуан Кинтеро мен Гранит Джака мүлт кетпеді.
Екінші соққыны колумбиялық Дэвинсон Санчес қақпа маңдайшасына тигізсе, Зеки Амдуни швейцариялықтарды алға шығарды.
Үшінші мүмкіндікте Хаминтон Капас пенальтиді голға айналдырды, ал Мануэль Аканджи допты қақпадан биік тепті.
Төртінші соққыда Кучо Эрандес сол жақ төменгі бұрышқа тепкенімен, қақпашы Грегор Кобельден айласын асыра алмады, ал швейцариялықтар сапынан Седрик Иттен дәлдік танытты.
Соңғы мүмкіндікті екі құрама да пайдаланды: Луиз Диас колумбиялықтарға үміт сыйлағанымен, Рубен Варгас қателеспей, өз командасын келесі кезеңге алып шықты.
Пенальти сериясындағы есеп - 4:3, Швейцария құрамасы жеңіске жетті.
Осылайша, Швейцария құрамасы ӘЧ-2026 турнирінің 1/4 финалына шығып, онда Аргентинамен кездесетін болды.
