Рыбакина мен Бублик Уимблдон-2026 турнирінің үшінші айналымына шықты

Offside.kz

Әлемдік рейтингте екінші орында тұрған қазақстандық теннисші Елена Рыбакина Уимблдон-2026 турнирінің үшінші айналымына шықты, деп хабарлайды Tengri Sport.

Әлемдік рейтингте екінші орында тұрған қазақстандық теннисші Елена Рыбакина Уимблдон-2026 турнирінің үшінші айналымына шықты, деп хабарлайды Tengri Sport.

1/32 финалдық кездесуде ол америкалық Кэти Макнеллиді (№ 50) екі сетте 6:1, 6:2 есебімен жеңді.

Кездесу 1 сағат 11 минутқа созылды. Осы уақыт ішінде Рыбакина бір эйс жасап, үш рет қос қателік жіберді, ал Макнелли бір эйс жасап, төрт рет қос қателікке бой алдырды.

Турнирдің ерлер кестесінде қазақстандық теннисші Александр Бублик үшінші айналымға жолдама алды. Екінші раундтағы матчте ол француз Кириян Жакеден басым түсті - 6:3, 6:4, 7:6 (7:5).

Теннисшілер кортта 1 сағат 51 минут өткізді. Бублик 15 эйс жасап, екі рет қос қателік жіберді. Жаке өз кезегінде сегіз эйс жасап, үш рет қос қателік жасады.

Уимблдон турнирі 29 маусымда басталды және 12 шілдеге дейін жалғасады. Жүлде қоры шамамен 30,33 миллион долларды құрайды.