+7 (777) 001 44
99
Португалия құрамасы мен саудиялық "Әл-Насрдың" форварды ел чемпионатының шешуші ойынында дубль жасап, 2021 жылы "Ювентустан" кеткеннен бері алғаш рет клубтық деңгейде титул жеңіп алды, деп хабарлайды Tengri Sport.
Сауд Арабиясы чемпионатының соңғы турындағы "Дамакқа" қарсы матчта тек жеңіс қана Роналдуға чемпиондық атақты кепілді түрде сыйлайтын еді.
33-минутта Садио Мане бұрыштама кезінде қарсыластарын шебер алдап өтіп, есеп ашты. 51-минутта Кингсли Коман алыс бұрышқа дәл соққы бағыттап, есепті 2:0-ге жеткізді.
"Дамак" көп ұзамай бір гол соға алды - доп "Әл-Наср" қорғаушысының қолына тиіп, төреші 57-минутта пенальти белгіледі.
Осы сәтте 41 жастағы Криштианудың кезегі келді - 61-минутта португалиялық айып соққысын мүлтіксіз орындап, қақпаның алыс бұрышын дәл көздесе, 81-минутта қақпашы алаңының бұрышынан комбинацияны түйіндеп, жеңіс нүктесін қойды.
"Әл-Насрдың" басты бәсекелесі - "Әл-Хиляль" де өз ойынында жеңіске жеткенімен, бұл Роналдудың Сауд Арабиясы чемпионатында алғаш рет топ жаруына кедергі бола алмады.
Шешуші голдан кейін Роналду көз жасына ерік берді
Криштиану Роналду бұл кубоктың өзі үшін қаншалықты маңызды екенін эмоциясымен көрсетті. Голды тойлағаннан кейін камера португалиялықтың жүзін ірі планда түсіріп алды - ол еңкілдеп жылап жібере жаздады.
Видеодан алынған кадр
87-минутта Роналду трибунаның қошеметімен алаңнан алмастырылды. Бұл Криштианудың Сауд Арабиясындағы соңғы матчы болуы әбден мүмкін.
Финалдық ысқырықтан кейін португалиялықтың көзіне тағы да жас толды.
Видеодан алынған кадр
Айта кетейік, Роналду "Әл-Наср" сапына 2023 жылдың басында қосылған болатын. Содан бері команда ел чемпионатында немесе кез келген басқа ресми турнирде жеңіске жете алмай келген еді.
Роналдудың өзі клубтық деңгейдегі соңғы титулын 2021 жылы "Ювентуспен" бірге Италия кубогын иеленгенде алған. Содан кейінгі "Манчестер Юнайтедтегі" кезеңі олжасыз аяқталды.
Сонымен қатар Роналду Португалия құрамасына 2024/2025 жылғы маусымда Ұлттар лигасын екінші рет жеңіп алуға көмектесті.
Instagram-дағы бұл жарияланымды көру
Жанкүйерлермен бірге тойлау және Роналдудың жеңістен кейінгі алғашқы сөздері
Ресми марапаттау рәсімі басталғанға дейін Криштиану Роналду жанкүйерлерге барып, барабан қағып үлгерді - осылайша ол маусым бойы қолдау көрсеткен жанкүйерлеріне алғысын білдірді.
Instagram-дағы бұл жарияланымды көру
Көптен күткен кубокты басына көтергеннен кейін Роналду әлеуметтік желіде қысқаша жазба қалдырды.
"Бұл біз үшін өте маңызды - алға, "Әл-Наср"!" - деп жазды футболшы.
Кейінірек Instagram желісінде Криштианудың қалыңдығы Джорджина Родригес және балаларымен клуб формасында түскен әсерлі суреті пайда болды. Бірақ суретте кіші Криштиану Роналду жоқ.
Instagram-дағы бұл жарияланымды көру
Енді Роналдуды Португалия құрамасымен бірге АҚШ, Канада және Мексикада 11 маусым мен 19 шілде аралығында өтетін мансабындағы алтыншы әлем чемпионаты күтіп тұр. Криштиану әзірге спорттық жолын аяқтайтыны туралы мәлімдеген жоқ.
Криштиану Роналду 2026 жылғы ӘЧ-ге шақырту алу туралы пікір білдірді
Бұған дейін аңызға айналған қақпашы Мануэль Нойердің Германия құрамасының сапына енгені белгілі болған еді белгілі болған еді.
Қазақстан Еуропа чемпионатына жаңа жүйемен іріктеледі: не өзгереді
