Сиқыр әлде фейк: ФИФА басшысын ӘЧ-да өз көшірмесін пайдаланды деп айыптады

Әлеуметтік желілерде ФИФА басшысы Джанни Инфантино әртүрлі қалада бір уақытта өткен футболдан Әлем чемпионатының екі матчінде де бой көрсеткені туралы ақпарат тарап жатыр, деп хабарлайды Tengri Sport.

Әлеуметтік желі қолданушылары Инфантино E тобындағы Эквадор - Германия және Кюрасао - Кот-д’Ивуар ойындарының екеуіне де қатысқанын айтады.

Матчтер Нью-Йорк пен Филадельфияда бір-бірінен 130 шақырым қашықтықта өткен, алайда ФИФА басшысы екі жақта да болған деседі.

"Джанни Инфантино E тобының екі матчінде де көзге түсті, бірақ олар бір уақытта басталған болатын. Оның әр стадионда түскен суреттерінің арасы небәрі 10 минут, ал стадиондар арасындағы жол бірнеше сағатты алады", - деп жазды әлеуметтік желідегі аккаунттардың бірі.

"ФИФА әр стадионда міндетті түрде төбе көрсетуі үшін адамдарды клондауды ресми түрде меңгерген сияқты. Телетрансляция командасы екінші тайм басталмай жатып жұмыстан қуылатын шығар, ха-ха-ха", - деп жазды екіншісі.

"Не ол телепортацияны жетік меңгерген, не біреулер уақыт белгісін тағы бір тексеріп шығуы керек", - дейді үшіншісі.

"Оның президент екенін және жеке ұшақпен ұша алатынын түсінулеріңіз керек", - деп атап өтті тағы бірі.

Инфантино екі ойында бір уақытта болды ма? Вирустық фотоларды тексереміз

Бастапқы жазба бір қарағанда сенімді көрінгенімен, шағын фактчекинг бұл қарапайым манипуляция екенін тез анықтауға мүмкіндік береді.

Футбол шенеунігі Эквадор - Германия ойынында отыр деп көрсетілген кадр іс жүзінде басқа матчте түсірілген: ол 16 маусымда өткен Иран - Жаңа Зеландия кездесуі болатын.

Фото: әлеуметтік желілерден

Айта кетейік, 2026 жылғы футболдан Әлем чемпионаты тарихтағы ең ұзақ турнир болмақ - 104 матч 11 маусым мен 20 шілде аралығына жоспарланған. Бұл ретте әр топтағы үшінші тур ойындары бір уақытта өтеді.

Бұған дейін плей-офф кезеңінің алғашқы бес жұбы белгілі болды.