“Соңғы танго“: Аргентина президенті Месси туралы тебірене пікір білдірді

Фото: thenews2.com/depositphotos.com

Аргентина президенті Хавьер Милей Лионель Месси ұлттық құрамадағы мансабын аяқтағаны туралы жаңалықтан соң футбол жұлдызына үндеу жасады, деп хабарлайды Tengri Sport.

Лионель Месси Аргентина құрамасындағы мансабын аяқтағаны белгілі болғаннан кейін, ел президенті Хавьер Милей әлеуметтік желідегі парақшасында футболшыға арнап тебіреніске толы жазба жариялады.

"Алаңда және одан тыс жерде бізге сыйлаған таңғажайып сәттер үшін, қажырлы еңбектің арқасында мүмкін емес нәрсенің өзі шындыққа айналатынын әлемге көрсеткенің үшін көп рақмет, Лионель Месси. Месси – ғаламат құбылыс! Алға, Аргентина!" - деп жазды Хавьер Милей.

Алаңда және одан тыс жерде бізге сыйлаған барлық сиқырың үшін үлкен рақмет, Лионель Месси. Күш-жігер жұмсау арқылы тіпті мүмкін емес белестерді бағындыруға болатынын әлемге паш еттің. Месси — бұл ақылға сыйымсыз...!!! АЛҒА АРГЕНТИНА...!!! https://t.co/J6tHD97MB4
— Javier Milei (@JMilei) October 6, 2026

Мессидің Аргентина сапындағы "соңғы биі"

7 қазанға қараған түні Буэнос-Айрестегі (Аргентина) "Монументаль" стадионында Лионель Месси Бенин ұлттық құрамасына қарсы Аргентина сапындағы қоштасу матчін өткізді.

Аңызға айналған футболшы мансабының аяқталуын айшықтайтын бұл матч "Соңғы танго" деп аталды.

Instagram-дағы бұл жарияланымды көру

Selección Argentina (@afaseleccion) жазбасынан

Алаңда болған уақыт ішінде Аргентина құрамасының капитаны 2 нәтижелі пас беріп, пенальтиден гол соқты, осылайша өз командасына 3:0 есебімен жеңіс сыйлады. Месси матч соңына дейін қауіпті сәттер жасаумен болды, алайда Бенин қақпашысы бірнеше рет сейв жасап, есептің бұдан әрі ұлғаюына жол бермеді.

Instagram-дағы бұл жарияланымды көру

Selección Argentina (@afaseleccion) жазбасынан

Матчтен кейін "Монументаль" аспанында дрон шоуы басталды. Жүздеген ұшқышсыз аппарат Мессидің бейнесін, "Gracias Leo" деген жазуды және оның мансабы мен 2022 жылғы әлем чемпиондығына қатысты басқа да нышандарды бейнеледі. Команда мен капитан алаңда тұрып, аспанға көз тікті. Дрон шоуы отшашумен, музыкалық қойылыммен және ресми құттықтаумен жалғасты.

Мессиге құрмет көрсету кезінде жұртшылық дрон шоуынан 10-нөмірді немесе Аргентина жейдесін көреміз деп күткен еді, бірақ сақтандыру компаниясының жарнамасы шығып кетті. "Монументаль" стадионындағы көрермендердің наразылық ысқырығы тарихта қалатын болды. https://t.co/idVSJJ0TOl
— GRADA B pro (@GradaBpro) October 7, 2026

Кетерінде капитан микрофон алып, ұзақ әрі өте жеке сипатта сөз сөйледі. Ол өз сөзінде әріптестеріне, жанкүйерлеріне және туған-туыстарына алғыс айтты.

Мессидің сөздері өте әсерлі болды және Аргентина құрамасының барлық мүшесін, соның ішінде әрқашан сабырлы әрі байсалды жүретін бапкер Лионель Скалониді де бейжай қалдырмады.

🇦🇷 | La gran despedida final de Lionel Messi y el adiós a la selección argentina. "Hoy me toca vivir el día más triste de mi career: despedirme de la selección. Ahora me toca acompañar. Los quiero, agradezco a Dios y estoy orgulloso de ser Argentino." https://t.co/NhZbyH4uTb
— Mia 🍋 (@Mialygosa) October 7, 2026

Осылайша, Лионель Мессидің Аргентина құрамасындағы 21 жылдық тарихы аяқталды. Ол әлем чемпионы атағымен, екі Америка кубогімен, ұлттық құрама сапындағы голдар мен матчтер саны бойынша рекорд орнатып кетті.