Тележүргізуші тікелей эфирде Мессидің әкесі “қайтыс болғанын“ хабарлаған

Аргентиналық тележүргізуші Флоренсия Пенья шоулардың бірінің тікелей эфирінде футболшы Лионель Мессидің әкесі қайтыс болғанын хабарлады. Ақпарат жалған болып шықты, ол үшін тележүргізуші жазаланды, деп хабарлайды Tengri Sport.

Оқиға Luzu TV арнасындағы El Show del Verano бағдарламасында болды. Жүргізушіге ақпараттың тексерілмегені туралы ескертілместен, тікелей эфирде хабарлауға берілген.

"Жаман хабар айтқым келмейді, бірақ Мессидің әкесі жаңа ғана қайтыс болды. Сұмдық-ай, дәл әлем чемпионатының ортасында. Оған кетуге тура келе ме?" - деді әйел.

Кейінірек әріптестерінің жүргізушіге ақпараттың әлі тексерілмегені туралы ескертіп үлгермегені белгілі болды, бірақ кеш еді.

Пенья кешірім сұрауға мәжбүр болды, ал телеарна оны жұмыстан шығару туралы шешім қабылдады.

"El Show del Verano бағдарламасының эфирінде болған жағдайға өкінеміз. Біздің арна үшін құпия ақпаратты тиісті алдын ала тексерусіз таратуға жол берілмейді. Осы себепті Luzu TV басшылығы бұл іске қатысы бар тұлғалардың барлығын, соның ішінде Флоренсия Пеньяны жұмыстан шеттету туралы шешім қабылдады. Біз жауапты, сыйластыққа негізделген және қатаң коммуникация ұстанымына адалдығымызды растаймыз", - деді мәлімдеген арна өкілдері.

Жүргізуші өз қателігін мойындап, жазамен келісті.

"Мессидің отбасынан бастан кешіріп отырған ауыр сәттері үшін кешірім сұраймын. Осы ауыртпалыққа себепкер болғаным үшін қатты ұяламын. Бұл жалған ақпарат маған тікелей эфир кезінде берілгенін және мен оған сеніп қалғанымды нақтылап өткім келеді. Соған қарамастан, қателіктің бір бөлігі екенімді мойындаймын, сондықтан шеттеп, Luzu-дағы жұмысымды аяқтауды жөн көрдім. Шын жүректен тағы да кешірім сұраймын, мен қателестім", - деп атап өтті ол әлеуметтік желіде.

Лионель Мессидің әкесіне не болды?

Еске салсақ, Мессидің әкесі ауырып жатқаны туралы ақпарат Аргентинаның әлем чемпионатындағы алғашқы матчы қарсаңында шыққан болатын. Форвард алғашқы голын соққаннан кейін, көпшілік оның көзінен жас көрді, бұл жағдай отбасындағы ауыр жағдаймен түсіндіріледі.

Кейінірек Мессидің отбасы ресми мәлімдеме жариялап, Хорхеде денсаулық мәселелері бар екенін растады.

"Мессидің отбасы қазіргі уақытта Хорхе Мессидің денсаулығына байланысты қиындықтарға тап болғанын хабарлайды. Ол қазір дәрігерлердің бақылауында, денсаулығы қалпына келуде және оң нәтижелер көрсетіп отыр. Соңғы сағаттарда тараған хабарламалар, қауесеттер мен жорамалдарға байланысты, отбасы кейбір адамдардың жеке отбасылық істі талқылау кезінде сезімталдық, сыйластық пен әдептілік танытпағанына қатты наразылық білдіреді.

Сондай-ақ отбасы Хорхенің жағдайы туралы нақты әрі шынайы ақпарат тек жақын туыстарында ғана екенін нақтылайды. Сондықтан отбасынан немесе оның ресми арналарынан тікелей түспеген кез келген нұсқа, мәлімдеме немесе ақпарат шынайы немесе дұрыс деп есептелмеуі тиіс. Осындай уақытта біз жауапкершілік, сақтық пен адамгершілік танытуды сұраймыз", - деп келтіріледі БАҚ-та отбасының мәлімдемесі.