“Түсініспеушілік“: Мбаппе ӘЧ 1/4 финалында пенальтиден гол сала алмауын түсіндірді

Оқиға әлем чемпионатының жартылай финалдық кездесуінің 25-минутында болды. Килиан қарсыластың айып алаңына басып кіріп, қорғаушымен түйіскеннен кейін құлап қалды.

Төреші бірден нүктені көрсеткенімен, кейін бейнеассистенттер тексерісті бастап, ол шамамен екі минутқа созылды. Осы уақыт бойы Мбаппе соққыға дайындалып тұрды.

Нәтижесінде Франция құрамасының көшбасшысы пенальтиді орындай алмады – марокколықтардың қақпашысы Яссин Буну допты қағып алып, тең есепті сақтап қалды.

"Мен соққы жасадым, қақпашы оны қайтарды. Бұл мен үшін ауыр тиді. Жағдай түсініспеушіліктен қиындап кетті: бастапқыда төреші пенальти болады деді. Мен тексеріс ұзаққа созыла ма деп сұрадым, ол иә деп жауап берді. Біз ойынды жалғастыруға дайындалып жатқанбыз – тіпті Усман маған допты беріп қойған еді, бірақ дәл мен соққыға жиналған сәтте төреші келіп, пенальти болмайтынын хабарлады.

Білмеймін... Мен пенальти болатынына сенімді болып, допты алдым, сосын оны қайтадан нүктеге қойдым. Содан кейін ол: "Жоқ, күте тұр, осыдан екі минут бұрын болған эпизодты тексеру керек" деді. Не істеуге болады... солай болып қалды. Мен зейінімді жоғалтып алдым", - деді Килиан кездесу аяқталған соң журналистерге.

Мбаппенің айтуынша, ол бұрын-соңды мұндай жағдайға тап болмаған.

"Әрине, мен пенальти алдында зейінді қалай сақтау керек екендігінің көптеген сценарийін ойластырғанмын, бірақ мұндай жағдайға бірінші рет тап болып тұрмын. Енді бұл нұсқаны да ескеруге тура келеді, өйткені төреші алдымен пенальти белгілеп, екі минуттан кейін шешімін өзгертуі мүмкін екен. Оның қанша уақытқа созылғанын білмеймін – үш минуттай болған шығар? Не де болса, бұл қазіргі футболдың бір бөлшегі. VAR жүйесі енгізілген ойынның жаңа шындығы. Бейімделу керек", - деді ол.

Айта кетейік, бірінші таймда соғылмаған пенальтиге қарамастан, ойынның екінші бөлігінде Франция құрамасы екі гол соғып, жеңіске жетті. Килиан Дезире Дуэнің пасынан кейін ойын барысында гол соғып, көзге түсті.

Килиан Мбаппе - әлем чемпионатының үздік сұрмергені

Еске сала кетейік, Марокко құрамасының қақпасына соққан голы Мбаппе үшін турнирдегі сегізінші гол болды. Бұл көрсеткіш бойынша ол аргентиналық Лионель Мессимен теңесті.

Ал турнирдегі нәтижелі іс-қимылдар бойынша Килиан аргентиналықты басып озды - оның еншісінде "гол плюс пас" жүйесі бойынша 10 ұпай бар.

Франция - Марокко матчы ӘЧ 1/2 финалының алғашқы қатысушысын анықтады