Зиданның ұлы әлем чемпионатынан шығып қалды: әкесі Франциямен турнирде жеңіске жеткен

Фото: depositphotos.com//nstagram.com/luca/

Швейцария құрамасы футболдан әлем чемпионатының 1/16 финалында Алжир командасын сенімді түрде жеңді. Плей-офф кезеңінің алғашқы раунды аяқталуына үш матч қалды, деп хабарлайды Tengri Sport.

Швейцария құрамасы футболдан әлем чемпионатының 1/16 финалында Алжир командасын сенімді түрде жеңді. Плей-офф кезеңінің алғашқы раунды аяқталуына үш матч қалды, деп хабарлайды Tengri Sport.

Швейцария - Алжир матчы Ванкувердегі (Канада) BC Place стадионында өтті.

Швейцария - Алжир: матч барысы

Ойынның 10-минутында-ақ Бриль Эмболо Швейцария құрамасын алға шығарды. Африкалық команда есепті теңестіруге тырысқанымен, швейцариялықтар ойын тізгінін өз бақылауында ұстады.

Екінші таймның басында Дэн Ндойе командасының басымдығын еселей түсті.

Матч қорытындысы - 2:0, Швейцария жеңіске жетті.

Зидан Алжирдің келесі кезеңге өтуіне көмектесе алмады

Еске сала кетейік, Алжир құрамасы сапында 1998 жылы Франциямен бірге әлем чемпионы атанған әйгілі футболшы Зинедин Зиданның ұлы өнер көрсетеді. Лука Зидан африкалық команданың қақпасын күзетеді.

Ол 2025 жылдың қыркүйегінде ата-бабасының отаны Алжирдің төлқұжатын алуға шешім қабылдап, жаңа команданың құрамына тез бейімделіп кетті. Лука алғашқы матчінде, ӘЧ-2026 іріктеуі аясында Уганданы 2:1 есебімен жеңуге үлес қосса, келесі Суданмен өткен кездесуде қақпасына бірде-бір гол жібермеді.

Швейцарияға қарсы ойын кіші Зиданның ұлттық құрама сапындағы оныншы матчі болды. ӘЧ-2026 аясында ол Аргентинадан үш гол, Иорданиядан бір гол жіберіп алды, бірақ Австриямен өткен нәтижелі матчке (3:3) қатысқан жоқ.

Instagram-дағы бұл жарияланымды көру

Luca Zidane (@luca) жариялаған жазба

Швейцария қатарынан төртінші рет Әлем чемпионатының 1/8 финалына шықты

Швейцария құрамасы 2026 жылғы футболдан әлем чемпионатының плей-офф кезеңіне жолдама алған 13-ші қатысушы атанды.

Бұған дейін келесі жұптар анықталған болатын: Парагвай - Франция; Канада - Марокко; Португалия - Испания; АҚШ - Бельгия; Бразилия - Норвегия; Мексика - Англия.

Швейцариялықтар 1/8 финалда Колумбия - Гана матчінің жеңімпазымен кездеседі.

Айта кетейік, алдыңғы үш әлем чемпионатында Швейцария құрамасы топтан шыққанымен, плей-оффтың алғашқы матчінде-ақ жарыс жолынан шығып қалатын. Дегенмен, бұған дейін турнирге қатысушы командалар саны аз болғандықтан, қазіргі екінші кезең - 1/8 финал ол кезде бірінші кезең саналатын.