Чемпиондар лигасы: сенсациялық матчте үш бірдей рекорд орнатылды

Француздық "ПСЖ" мен германиялық "Бавария" арасындағы Чемпиондар лигасының алғашқы жартылай финалдық матчі үш бірдей таңғажайып рекордпен ерекшеленді, деп хабарлайды Tengri Sport.

Еске сала кетейік, матч 29 сәуірге қараған түні Париждегі (Франция) "Парк де Пренс" стадионында өтіп, 5:4 есебімен "ПСЖ-ның" пайдасына аяқталды.

Opta порталының жазуынша, бұл матч бірнеше рекордпен есте қалған және барлығы соғылған голдардың көптігімен байланысты.

Бұл - тарихта жартылай финалда 9 гол соғылған алғашқы матч. Сондай-ақ осы кездесуде ЧЛ жартылай финалының бірінші таймында алғаш рет 5 гол соғылды.

Бұдан бөлек бұл ойын ең беделді футбол турнирінің жартылай финалында 7-ден астам гол соғылған алғашқы жағдай ретінде тіркелген.

Еске сала кетейік, Чемпиондар лигасының финалына жолдама беретін мюнхендік "Бавария" мен француздық "Пари Сен-Жермен" арасындағы қарымта матч 7 мамырға қараған түні Мюнхендегі (Германия) "Альянц Арена" стадионында өтеді.