Дастан Сәтпаевтың “Челси“ сапындағы голының видеосы шықты

Бейнеден алынған кадрлар

Қазақстан құрамасының вингері Дастан Сәтпаев 2026/2027 жылғы маусымдағы "Челсидің" алғашқы голын салды. Клубтың әлеуметтік желілерінде қазақстандық ойыншының сәтті дебютінің видеосы жарияланды, - деп хабарлайды Tengri Sport клубтың әлеуметтік желілеріне сілтеме жасап.

Сәтпаевтың "Челси" сапындағы алғашқы нәтижелі әрекеті аустралиялық "Вестерн Сиднейге" қарсы жолдастық кездесудің 7-минутында болды.

Қазақстандық футболшы бос кеңістікті пайдаланып, жақын бұрышты дәл көздеп гол соқты.

"26/27 маусымындағы біздің алғашқы голымыз", - деп жазды клуб әлеуметтік желілеріндегі видеоның астына.

"Челси" жанкүйерлері қазақстандық ойыншыға тәнті болып жатыр

Алғашқы голдың видеосына бірден жүздеген пікір жазылған.

"Қандай соққы! Жаңа ойыншының бұл өнеріне тәнтімін"; "Бұл жігіт нағыз мықты"; "Ол нағыз талант!"; "Осы маусымда ол командамыздың негізгі құрамына енуі керек", - деп жазады жанкүйерлер ролик астында.

Еске салайық, Сәтпаев 17 маусымда алматылық "Қайрат" сапындағы соңғы ойынын өткізіп, кейін "Челсиге" ауысқан болатын.

Онда ол "көктердің" жаңа жаттықтырушысы Хаби Алонсоның қарамағында бірнеше жаттығу өткізіп, лондондықтардың алғашқы ашық жолдастық матчінде негізгі құрамда алаңға шығу мүмкіндігіне ие болды.