+7 (777) 001 44
99
Ұлттық құраманың 47 жастағы аңызы "Қайраттың" Чемпиондар лигасындағы матчінен видео жариялады. Кадрларға қарағанда, ол видеоны пенальти сериясындағы шешуші сәтте түсіре бастаған және қақпашы мен қарсылас ойыншы арасындағы текетірес қалай аяқталатынын алдын ала білген.
"Темір сол аяқпен ойнайтын ойыншының добын қайтарады", - деп естіледі Смақовтың дауысы видеода.
Осыдан кейін "Қайрат" қақпашысы "Омонияның" сол аяқты қорғаушысы Николас Панайотиудың 11 метрлік соққысын расында қайтарды.
Айта кетейік, осы сейвтің арқасында "Қайрат" серияда 6:5 есебімен жеңіске жетіп, екінші жыл қатарынан еурокубоктардың күзгі кезеңіне жолдама алды.
Чемпиондар лигасының үшінші іріктеу кезеңінде қазақстандық клуб Болгарияның "Левски" командасымен кездеседі.
Instagram-дағы бұл жарияланымды көру
Еске сала кетейік, былтыр да "Орталық" стадионда Темірлан Анарбеков Шотландияның "Селтигімен" болған пенальти сериясында бірнеше сейв жасап, команданың Чемпиондар лигасының жалпы кезеңіне шығуына көмектескен болатын.
Темірлан Анарбеков туралы не белгілі?
"Қайраттың" 22 жастағы қақпашысы былтырғы Чемпиондар лигасындағы ерлігінен, сондай-ақ ұлттық құрамадағы ойындарынан кейін елдегі ең танымал футболшылардың біріне айналды. Оның Instagram парақшасына 232 мың адам жазылған – бұл құраманың тәжірибелі көшбасшылары Бахтиер Зайнутдинов немесе Нұралы Әліптің көрсеткіштерінен де көп.
Бұл ретте Темірланның Чемпиондар лигасындағы дебюті басқа қақпашы Александр Заруцкийдің жарақатына байланысты болды. Алматылықтардың негізгі қақпашысы Заруцкий "Селтикпен" болған алғашқы матчтнің 75-минутында жарақат алып, Анарбеков оның орнын нық басты.
Анарбековтің трансферлік құны содан бері төрт есе өсті - 200 мыңнан 800 мың еуроға дейін жетті.
Instagram-дағы бұл жарияланымды көру
Бұған дейін алматылық "Қайраттың" португалиялық қорғаушысы Луиш Мата Канье Уэстің алдағы концертіне байланысты Чемпиондар лигасы матчінің Түркістанға ауыстырылғанына пікір білдірген болатын.
